రాజకీయాల గురించి సూపర్ స్టార్ మళ్ళీ..!

సూపర్ స్టార్ మహేష్ బాబు ఫాలోయింగ్ సంగతి అందరికీ తెలిసిందే. కొందరు స్టార్ హీరోలలాగా ఫ్యాన్స్ కోసమంటూ మూస సినిమాలు చేయకుండా కొత్తదనం కోసం మహేష్ డిఫరెంట్ సబ్జెక్టులు ట్రై చేస్తూ ఉంటాడు. కానీ అన్నిసార్లు అవి మంచి ఫలితాలు ఇస్తాయనే గ్యారెంటీ లేదు. ఇలా ప్రయత్నించినపుడు ఎక్కువ సార్లు ఫ్లాపులనే ఎదుర్కొన్నాడు. అలా 'బ్రహ్మోత్సవం'.. 'స్పైడర్' లతో ఎదురు దెబ్బలు తిన్న మహేష్ కు లాస్ట్ ఇయర్ 'భరత్ అనే నేను' పెద్ద రిలీఫ్ ఇచ్చింది.

అందుకే 2018 గురించి రీసెంట్ గా ఒక ఇంటర్వ్యూలో మాట్లాడుతూ మహేష్ 'భరత్ అనే నేను' విజయం తనకు గుర్తుండిపోతుందని తెలిపాడు. ఈ సినిమాలో మహేష్ ఒక రాజకీయ నాయకుడిగా.. ముఖ్యమంత్రి పాత్రను పోషించిన సంగతి తెలిసిందే. ఈ టాపిక్ గురించి ప్రస్తావిస్తూ మహేష్ ను నిజ జీవితంలో రాజకీయాల్లోకి వచ్చే ఆలోచన ఉందా అని అడిగితే ఎప్పుడూ చెప్పినట్టే తనకు ఇంట్రెస్ట్ లేదని.. "నటన అనేది నా ఫస్ట్ అండ్ లాస్ట్ ప్యాషన్" అని తేల్చేశాడు.

మహేష్ ప్రస్తుతం వంశీ పైడిపల్లి డైరెక్షన్ లో 'మహర్షి' అనే సినిమాలో నటిస్తున్నాడన్న సంగతి తెలిసిందే. ఈ సినిమా గురించి మాట్లాడుతూ ప్రేక్షకులకు నచ్చుతుందని.. ఖచ్చితంగా విజయం సాధిస్తుందని నమ్మకం ఉందన్నాడు.