'సరిలేరు' ని ఆ సినిమాతో పోలుస్తున్నారుగా!

సూపర్ స్టార్ మహేష్ - అనీల్ రావిపూడి కాంబినేషన్ లో తెరకెక్కుతున్న 'సరిలేరు నీకెవ్వరు' సినిమా కథ లీక్ ఇప్పుడు టాలీవుడ్ లో హాట్ టాపిక్ గా మారింది. ఈ సినిమాను అతడు సినిమాతో పోలుస్తూ అందరూ మాట్లాడుకుంటున్నారు కారణం ఈ సినిమా కథ ఇదే అంటూ ఓ లీక్ బయటికి రావడమే. సినిమాలో మహేష్ మేజర్ అజయ్ కృష్ణ అనే క్యారెక్టర్ చేస్తున్న సంగతి తెలిసిందే. అయితే ఆర్మీలో తన మిత్రుడు చనిపోవడంతో అతని స్థానంలో పేరు మార్చుకొని విజయ శాంతి ను కలుస్తాడట. అంటే అతడులో మహేష్ రాజీవ్ కనకాల పేరుతో పార్ధుగా వచ్చినట్టు. విజయ శాంతి ఇందులో రాయలసీమ రాజకీయవేత్త గా కనిపిస్తుందట.

అయితే చనిపోయిన వ్యక్తి ఎవరు.. విజయ శాంతికి అతను ఏమవుతాడు.. అనే ఎలెమెంట్స్ కాస్త కొత్తగా ఉంటాయని అంటున్నారు. ఇది నిజమో కాదో తెలియదు కానీ ఇప్పుడు సరిలేరు స్టోరీ ఇదేనంటూ టాలీవుడ్ లో చక్కర్లు కొడుతుంది. ఈ విషయంపై మేకర్స్ నుండి మాత్రం ఎలాంటి రిప్లై లేదు. ఒక వేళ కథ ఇదే అయితే అసలు ఎలా లీకయిందని ఆలోచిస్తున్నరేమో.. ఏదేమైనా కథ రొటీన్ అయినా అనీల్ మాత్రం ఇదొక మేజిక్ చేసి సినిమాను గట్టేక్కించడం మాత్రం పక్కా. ఎందుకంటే శ్రీను వైట్లలా కామెడీతో మేజిక్ చేయడం కమర్షియల్ హంగులతో మెప్పించడంలో అనీల్ దిట్ట మరి. ముఖ్యంగా సినిమాలో విజయ శాంతి క్యారెక్టర్ - బండ్ల గణేష్ కామెడీ హైలైట్ గా నిలుస్తాయని అంటున్నారు.

ప్రస్తుతం శరవేగంగా షూటింగ్ జరుపుకుంటున్న ఈ సినిమాకు సంబంధించి దసరా కి ఓ సప్రయిజ్ ఉంటుందని అంటున్నారు. అదేంటనేది త్వరలోనే తెలియనుంది. ఏకే ఎంటర్టైన్ మెంట్ బ్యానర్ పై అనిల్ సుంకర నిర్మిస్తున్న ఈ సినిమాకు దేవి శ్రీ ప్రసాద్ మ్యూజిక్ కంపోజ్ చేస్తున్నాడు. వచ్చే ఏడాది సంక్రాంతి కానుకగా జనవరి 10 లేదా 11 న సినిమా రిలీజ్ చేసే ప్లాన్ లో ఉన్నారు.