బిజినెస్ మేన్ త‌ర్వాత అంత స్పీడ్ గా!

సూప‌ర్ స్టార్ మ‌హేష్ క‌థానాయ‌కుడిగా న‌టిస్తున్న తాజా చిత్రం `స‌రిలేరు నీకెవ్వ‌రు`. ర‌ష్మిక మంద‌న క‌థానాయిక‌. అనీల్ రావిపూడి ద‌ర్శ‌క‌త్వంలో అనీల్ సుంక‌ర‌- దిల్ రాజు నిర్మిస్తున్నారు. దేవీశ్రీ ప్ర‌సాద్ సంగీతం అందిస్తున్నారు. 2020 సంక్రాంతి కానుక‌గా జ‌న‌వ‌రి 1న రిలీజ‌వుతున్న సంగ‌తి తెలిసిందే. ఇప్ప‌టికే ఈ సినిమా ప్ర‌చార చిత్రాల‌కు అభిమానుల నుంచి అద్భుత స్పంద‌న వ‌చ్చింది. ప్ర‌తి సోమ‌వారం మాస్ ఎంబీ సాంగ్స్ ట్రీట్ మైమ‌రిపిస్తోంది.

నేటి(బుధ‌వారం)తో ఈ సినిమా చిత్రీక‌ర‌ణ పూర్త‌యింది. 2018 మే 31న షూటింగ్ పూజాకార్య‌క్ర‌మాల‌తో మొదలైంది. జూలై 5 నుంచి రెగ్యుల‌ర్ చిత్రీక‌ర‌ణ ప్రారంభించి శ‌ర‌వేగంగా పూర్తి చేశారు. అనీల్ రావిపూడి ప‌ర్ఫెక్ట్ ప్లానింగ్ తో జెట్ స్పీడ్ తో ఈ సినిమాని మార‌థాన్ త‌ర‌హాలో పూర్తి చేయ‌డం స‌ర్వ‌త్రా ఆస‌క్తిని క‌లిగిస్తోంది. అంతేకాదు మ‌హేష్ కెరీర్ లోనే అత్యంత వేగంగా పూర్త‌యిన రెండో చిత్రం ఇదేనని తెలుస్తోంది.

ఇంత‌కుముందు పూరి ద‌ర్శ‌క‌త్వం వ‌హించిన `బిజినెస్ మేన్` అత్యంత వేగంగా పూర్త‌యింది. చాలా త‌క్కువ రోజుల్లో ఆ సినిమాని పూర్తి చేసాడు పూరి. ఇప్పుడు అనీల్ రావిపూడి అంతే వేగంగా స‌రిలేరు షూటింగ్ పూర్తి చేయ‌డం ఆస‌క్తికరం. మ‌హేష్ కెరీర్ లోనే త‌క్కువ రోజుల్లో పూర్త‌యిన రెండో చిత్ర‌మిదని యూనిట్ చెబుతోంది. షూటింగ్ ప్రారంభ‌మైంది మొద‌లు అస్స‌లు గ్యాప్ అన్న‌దే లేకుండా స‌రిలేరు షూటింగ్ పూర్తి చేసారు. ముందే చెప్పిన స‌మ‌యానికే అన్నిప‌నులు పూర్తి చేసి రిలీజ్ చేస్తున్నారు. ఇక ఈ సినిమా ప్రారంభోత్స‌వ పోస్ట‌ర్ లోనే సంక్రాంతి రిలీజ్ అని ప్ర‌క‌టించిన సంగ‌తి తెలిసిందే. మొత్తానికి యంగ్ డైరెక్ట‌ర్ అనీల్ రావిపూడి ఇచ్చిన మాట నిల‌బెట్టుకుంటున్నాడన్న‌మాట‌.