రసవత్తర సంక్రాంతి పోటి.. గెలిచేదెవరు?

ప్రతీ ఏడాది సంక్రాంతికి మూడు నాలుగు సినిమాలు రిలీజవుతుంటాయి. అందులో కొన్ని బ్లాక్ బస్టర్స్ గా నిలిస్తే కొన్ని డిజాస్టర్ గా మిగిలిపోతాయి. ఈ ఏడాది కూడా నాలుగు సినిమాలు విడుదలయ్యాయి. బాలయ్య 'ఎన్టీఆర్ కథానాయకుడు' - రామ్ చరణ్ 'వినయ విధేయ రామ' వెంకీ -వరుణ్ ' F2'లతో పాటు రజినీ కాంత్ 'పేట' సంక్రాంతి బరిలో నిలిచాయి. మూడు సినిమాలు బోల్తా కొత్తగా ఒక్క 'F2' మాత్రం సంక్రాంతి పుంజు అనిపించుకుంది.

ఇక గతేడాది సంక్రాంతికి పవన్ 'అజ్ఞాత వాసి' - బాలయ్య 'జై సింహ' లతో పాటు 'రంగుల రాట్నం' -'గ్యాంగ్' సినిమాలు విడుదలయ్యాయి. వాటిలో 'జై సింహ' కాస్త బెటర్ అనిపించుకొని కలెక్షన్స్ రాబట్టింది. అయితే రెండేళ్ళుగా సంక్రాంతి పోటీ వాన్ సైడ్ అయిపోతూ వస్తుంది. అసలు సిసలైన స్టార్ హీరోల మధ్య పోటీ అనేది లేదు. అందుకే ఈసారి సూపర్ స్టార్ - స్టైలిష్ స్టార్ పోటీ రసవత్తరంగా ఉండబోతుంది.

మహర్షి తో సక్సెస్ కంటిన్యూ చేసిన మహేష్ ఇప్పుడు సంక్రాంతి బరిలో 'సరిలేరు నీకెవ్వరు' అనిపించుకోవాలని చూస్తుంటే 'నా పేరు సూర్య' ఫ్లాప్ తర్వాత గ్యాప్ తీసుకున్న బన్నీ ఈసారి ఎలాగైనా అల బ్లాక్ బస్టర్ కొట్టాలని ఫిక్సయ్యాడు. మరో వైపు కళ్యాణ్ రామ్ కూడా ఎంత మంచి సినిమా అనిపించుకోవాలని చూస్తున్నాడు. ఇలా ఈ సారి సంక్రాంతి పోటీ గట్టిగా ఉండేట్టుంది. ఇప్పటికే మహేష్ - బన్నీ ప్రమోషన్స్ లో అందరినీ ఎట్రాక్ట్ చేస్తున్నారు. టీజర్ లో మహేష్ ముందుంటే సాంగ్స్ లో బన్నీ ముందున్నాడు. త్వరలోనే మొదటి సాంగ్ ను రిలీజ్ చేయబోతున్నారు. మరి రసవత్తర సంక్రాంతి పోటీ లో స్టార్స్ మధ్య పోటీ ఎలా ఉండబోతుందో.. చివరికి ఎవరు నిలబడతారో చూడాలి.