సర్కారు వారి బ్లాస్టర్: యూట్యూబ్‌ లో వింటేజ్ మహేష్ కలకలం..!

హ్యాట్రిక్ బ్లాక్ బస్టర్స్ తో ఫుల్ ఫార్మ్ లో ఉన్న సూపర్ స్టార్ మహేష్ బాబు నటిస్తున్న లేటెస్ట్ యాక్షన్ ఎంటర్టైనర్ ''సర్కారు వారి పాట''. పరశురామ్ పెట్లా ప్రతిష్టాత్మకంగా తెరకెక్కిస్తున్న ఈ చిత్రంలో కీర్తి సురేష్ హీరోయిన్ గా నటిస్తోంది. మహేష్ పుట్టినరోజు స్పెషల్ గా వచ్చిన 'సర్కారు వారి పాట' బ్లాస్టర్ విశేష స్పందన తెచ్చుకుంది. యూట్యూబ్ లో 24 గంటల్లో అత్యధిక వ్యూస్ తెచ్చుకున్న తెలుగు టీజర్ గా ఈ బర్త్ డే బ్లాస్టర్ ఆల్ టైమ్ రికార్డ్ క్రియేట్ చేసింది.

మహేష్ బాబు వింటేజ్ అవతారాన్ని పరిచయం చేసిన 'సర్కారు వారి పాట' బ్లాస్టర్ ఇప్పటి వరకు 33 మిలియన్లకు పైగా వ్యూస్ సాధించి యూట్యూబ్ లో ట్రెండింగ్ లో కొనసాగుతోంది. ఈ టీజర్ కు 950K+ లైకులు రావడం గమనార్హం. మహేష్ బాబు స్టైలిష్ అండ్ ఎనర్జిటిక్ గా మరింత యంగ్ ఈ చిత్రంలో కనిపించబోతున్నారని ఈ వీడియో హింట్ ఇచ్చింది. తన ట్రేడ్ మార్క్ డైలాగ్ డెలివరీతో మరోసారి ఫ్యాన్స్ ని అలరించబోతున్నారని తెలియజేసింది.

'సర్కారు వారి పాట' మూవీని మైత్రీ మూవీ మేకర్స్ - GMB ఎంటర్‌టైన్‌మెంట్ - 14 రీల్స్ ప్లస్ సంస్థలు సంయుక్తంగా నిర్మిస్తున్నాయి. నవీన్ యెర్నేని - వై.రవిశంకర్ - రామ్ ఆచంట - గోపీచంద్ ఆచంట నిర్మాతలుగా వ్యవహరిస్తున్నారు. సంక్రాంతి కానుకగా 2022 జనవరి 13న ఈ చిత్రాన్ని విడుదల చేయనున్నారు. దుబాయ్ - హైదరాబాద్ లలో భారీ షెడ్యూల్స్ పూర్తి చేసిన సర్కారు వారి బృందం.. ప్రస్తుతం గోవాలో తాజా షెడ్యూల్ షూటింగ్ జరుపుతున్నారు.

ఫైట్ మాస్టర్స్ ద్వయం రామ్-లక్ష్మణ్ నేతృత్వంలో గోవా బీచ్ లో ఓ ఇంటెన్స్ యాక్షన్ సీక్వెన్స్ ని చిత్రీకరిస్తున్నారు. ఈ చిత్రానికి ఎస్.ఎస్. థమన్ సంగీతం సమకూరుస్తున్నారు. ఆర్. మది సినిమాటోగ్రఫీ అందిస్తుండగా.. మార్తాండ్ కె వెంకటేష్ ఎడిటింగ్ బాధ్యతలు నిర్వర్తిస్తున్నారు. ఏఎస్ ప్రకాష్ ఆర్ట్ డైరెక్టర్ గా వర్క్ చేస్తున్నారు. 'సర్కారు వారి పాట' సినిమాపై సూపర్ స్టార్ అభిమానులు భారీ అంచనాలు పెట్టుకున్నారు. ఎక్స్పెక్టేషన్ కు ఏమాత్రం తగ్గకుండా ఉంటుందని దర్శకుడు పరశురామ్ చెబుతున్నాడు. వచ్చే సంక్రాంతికి బరిలో దిగుతున్న మహేష్.. ఎలాంటి సంచనాలు సృష్టిస్తాడో చూడాలి.