అన్నపూర్ణ లో మహేష్ కుమ్మేస్తున్నాడట!

సూపర్ స్టార్‌ మహేష్ బాబు.. కీర్తి సురేష్ జంటగా రూపొందుతున్న సర్కారు వారి పాట షూటింగ్ చివరి దశకు చేరుకుంది. ఇప్పటికే షూటింగ్‌ పూర్తి అయ్యి సినిమా కూడా విడుదల అవ్వాల్సి ఉంది. కానీ కరోనా కారణంగా అదుగో ఇదుగో అంటూ వాయిదా వేస్తూ వచ్చారు. షూటింగ్‌ ముగించే టైమ్‌ కు రమేష్ బాబు మృతి చెందడం.. మహేష్ బాబు కరోనా బారిన పడటం జరిగింది. దాంతో షూటింగ్ ఇంకా కొనసాగుతూనే ఉంది.

ప్రస్తుతం మహేష్ బాబు అన్నపూర్ణ స్టూడియోస్ లో సర్కారు వారి పాట షూటింగ్‌ లో పాల్గొంటున్నాడు. ఈ షెడ్యూల్‌ లో మహేష్ బాబుతో దర్శకుడు పరశురామ్‌ ఫైట్ సీక్వెన్స్ ను చిత్రీకరిస్తున్నట్లుగా సమాచారం అందుతోంది. మొన్నటి వరకు కీలక సన్నివేశాలను చిత్రీకరించిన దర్శకుడు ఇప్పుడు సినిమాలో వచ్చే ఒక కీలకమైన ఫైట్‌ ను పెద్ద ఎత్తున తెరకెక్కిస్తున్నాడు. ప్రముఖ స్టంట్స్ మాస్టర్ ఈ ఫైట్ ను కంపోజ్ చేస్తున్నాడట.

గత ఏడాది దుబాయి ఎడారిలో ఒక భారీ ఫైట్‌ ను చిత్రీకరించినట్లుగా వార్తలు వచ్చిన విషయం తెల్సిందే. ఇప్పుడు మరో ఫైట్‌ ను షూట్‌ చేస్తున్నారు. సినిమాలో పైట్లు తక్కువగానే ఉంటాయి. ఉన్న ఫైట్స్‌ నాచురల్‌ గా ఆకట్టుకునే విధంగా ఉంటాయని మేకర్స్ అంటున్నారు. దర్శకుడు పరశురామ్‌ తన సినిమాలో ఎక్కువగా ఫైట్స్‌ పెట్టాలనుకోడు. సందర్బానుసారంగా మాత్రమే ఫైట్లు ఉంటాయి. ఈ సినిమాలో కూడా ఫైట్లు తక్కువే ఉండే అవకాశం ఉంది.

కీర్తి సురేష్ తో ఒక రొమాంటిక్ సాంగ్ మరియు మాస్ మసాలా బీట్‌ సాంగ్‌ ను మహేష్‌ బాబు చేయాల్సి ఉంది. ఆ రెండు సాంగ్ పూర్తి చేస్తే సినిమా దాదాపుగా పూర్తి అయినట్లే అంటున్నారు. సమ్మర్ లో ఖచ్చితంగా విడుదల చేస్తామని ఇప్పటికే అధికారికంగా రిలీజ్ డేట్‌ ను కూడా ప్రకటించారు. కనుక మార్చిలో సినిమాకు గుమ్మడి కాయ కొట్టే అవకాశాలు ఎక్కువగా ఉన్నాయని మీడియా వర్గాల ద్వారా తెలుస్తోంది.

మహేష్ బాబు సర్కారు వారి పాట నుండి మొదటి సింగిల్ వచ్చి ఆకట్టుకుంది. కళావతి అంటూ వచ్చిన పాటలో హీరోయిన్ కీర్తి సురేష్‌ కంటే కూడా మహేష్ బాబు అందంగా కనిపిస్తున్నాడు అంటూ కామెంట్స్ వస్తున్నాయి. తన ప్రతి సినిమాలో కూడా హీరోయిన్స్ ను డామినేట్‌ చేసే మహేష్ బాబు అందం గురించి మరోసారి కళావతి పాట సందర్బంగా చర్చ జరుగుతోంది.

ఇక కళావతి పాటకు మంచి రెస్పాన్స్ వచ్చింది. మొదటి 24 గంటల్లోనే 8 లక్షలకు పైగా లైక్స్ వచ్చాయి. తాజాగా మిలియన్ మార్క్‌ ను క్రాస్ చేసింది. సినిమా పాట వ్యూస్ కూడా కంటిన్యూ అవుతున్నాయి. మహేష్ బాబు ఈ సినిమా పూర్తి అయిన వెంటనే త్రివిక్రమ్‌ మూవీ షూట్‌ లో జాయిన్ అవ్వబోతున్నాడు. ఇటీవలే త్రివిక్రమ్ దర్శకత్వంలో మహేష్ బాబు మూవీ పూజా కార్యక్రమాలు లాంచనంగా జరిగాయి.