'మ‌హ‌ర్షి' టాప్‌ సీక్రెట్స్ లీక్

సూప‌ర్‌ స్టార్ మ‌హేష్ న‌టిస్తున్న 25వ సినిమా `మ‌హ‌ర్షి` చిత్రీక‌ర‌ణ‌ శ‌ర‌వేగంగా పూర్తవుతున్న సంగ‌తి తెలిసిందే. అమెరికా- న్యూయార్క్‌ లో ఇటీవ‌ల ఓ భారీ షెడ్యూల్‌ ని పూర్తి చేసి ఇండియాలో అడుగుపెడుతున్నార‌ని తెలిసింది. దాదాపు 40 రోజుల పాటు అమెరికా షెడ్యూల్ అనంత‌రం తిరుగుప‌య‌నం అవుతున్నారు. త‌దుప‌రి హైద‌రాబాద్ రామోజీ ఫిలింసిటీలో కొత్త‌ షెడ్యూల్‌ కి టీమ్ ప్రిపేర‌వుతోంది. న‌వంబ‌ర్ రెండో వారం నుంచే ఈ షెడ్యూల్‌ ని తెర‌కెక్కిస్తార‌ట‌.

అదంతా స‌రే.. న్యూయార్క్ షెడ్యూల్ నుంచి అందాల క‌థానాయిక పూజా హెగ్డే మిస్స‌య్యిందా? అంటే అవున‌నే సోర్స్ చెబుతోంది. పూజా ఎక్క‌డ షూటింగుల్లో పాల్గొన్నా ఎంతో యాక్టివ్‌ గా ఆన్ లొకేష‌న్ ఫోటోల్ని అభిమానుల‌కు సామాజిక మాధ్య‌మాల ద్వారా చేర‌వేస్తుంటుంది. కానీ ఈసారి మాత్రం అస్స‌లు సంద‌డే లేదు. మ‌హ‌ర్షి గోవా షెడ్యూల్ నుంచి కొన్ని ఫోటోల్ని షేర్ చేసింది అప్ప‌ట్లో. ఆ త‌ర్వాత ప్ర‌భాస్ 20 కోసం ఇటలీ వెళ్లిన‌ప్పుడు అక్క‌డి నుంచి కొన్ని లైవ్‌ ఫోటోల్ని షేర్ చేసింది. `అరవింద స‌మేత‌`లో వ‌ర్కింగ్ స్టిల్స్ ని ఆన్ లొకేష‌న్ నుంచి షేర్ చేసేది. కానీ ఈసారి మ‌హ‌ర్షి అమెరికా షెడ్యూల్ కి సంబంధించి ఒక్క ఫోటో కూడా షేర్ చేయ‌లేదు. అంటే పూజా ఈ షెడ్యూల్‌ లో పాల్గొన‌లేద‌ని భావించ‌వ‌చ్చు.

`మ‌హ‌ర్షి`కి సంబంధించిన మ‌రో టాప్ సీక్రెట్ తాజాగా రివీలైంది. ఈ చిత్రంలో మ‌హేష్ ర‌క‌ర‌కాల గెట‌ప్పుల్లో క‌నిపించ‌నున్నారు. అందులో స్టూడెంట్ లైఫ్‌ - మ‌రో కోణంలో రైతు పాత్ర‌లో క‌నిపిస్తార‌ని ప్ర‌చారం సాగింది. వీట‌న్నిటికీ మించి అమెరికాలో ఓ సాఫ్ట్ వేర్ కంపెనీ వోన‌ర్‌ గానూ ద‌ర్శ‌న‌మిస్తార‌న్న‌ది తాజా అప్‌ డేట్. మొత్తానికి మ‌హేష్‌ లో ర‌క‌ర‌కాల కోణాల్ని ఎలివేట్ చేసేలా `మ‌హ‌ర్షి` పాత్ర‌ను వంశీ పైడిప‌ల్లి తీర్చి దిద్దార‌ని అర్థ‌మ‌వుతోంది. మ‌హ‌ర్షి స్నేహితుడిగా అల్ల‌రి న‌రేష్ మ‌రో కీల‌క పాత్ర‌ను పోషిస్తున్నారు. రాక్ స్టార్ దేవీశ్రీ సంగీతం అందిస్తున్నారు. స‌మ్మ‌ర్‌ లో ఈ చిత్రం రిలీజ్ కానుంది. మ‌రిన్ని అప్‌ డేట్స్ కోసం కాస్త వేచి చూడాల్సిందే.