ఫోటో స్టొరీ: చాయ్ గ్లాస్ తో మహేష్ హ్యాట్రిక్!

సూపర్ స్టార్ మహేష్ బాబు తాజా చిత్రం 'మహర్షి' మే 9 న రిలీజ్ కానుంది. రిలీజ్ కు పదిరోజుల సమయం కూడా లేకపోవడంతో ఫ్యాన్స్ ఇప్పటికే కౌంట్ డౌన్ మొదలుపెట్టారు.. మరోవైపు 'మహర్షి' టీమ్ జోరుగా ప్రమోషన్స్ చేస్తోంది. ప్రమోషన్స్ లో భాగంగా రీసెంట్ గా 'మహర్షి' టీమ్ విడుదల చేసిన ఒక పోస్టర్ మహేష్ ఫ్యాన్స్ నే కాకుండా పవన్ కళ్యాణ్ ఫ్యాన్స్ ను కూడా ఆకర్షిస్తోంది.

ఈ కొత్త పోస్టర్ లో మహేష్ గాజు గ్లాసులో టీ తాగుతూ ఉన్నాడు. ఇలా గాజు గ్లాసులో టీ తాగుతూ ఉన్న మహేష్ సీన్స్ గతంలో రెండు సినిమాలలో ఉన్నాయి. ఒకటి 'బిజినెస్ మ్యాన్' కాగా రెండోది 'శ్రీమంతుడు'. దీంతో ఒక నెటిజనుడు మూడు ఫోటోలను ఒక చోట చేర్చి "హిట్.. బ్లాక్ బస్టర్.. #మహర్షి లోడింగ్... గాజు గ్లాసు గుర్తుకే మన వోటు" అంటూ ఇంట్రెస్టింగ్ క్యాప్షన్ ఇచ్చాడు.దీనికి రిప్లై ఇచ్చిన మరో నెటిజనుడు 'పోకిరి' సినిమాలో మహేష్ గాజు గ్లాసులో టీ తాగుతున్న మరో ఫోటో ను పోస్ట్ చేశాడు. అంటే ఆల్రెడీ హ్యాట్రిక్ అయిపోయింది అన్నమాట. చూస్తుంటే ఇదేదో హిట్ సెంటిమెంట్ లాగా ఉంది.

పవన్ కళ్యాణ్ స్థాపించిన జన సేన పార్టీ సింబల్ గాజు గ్లాసు అనే సంగతి తెలిసిందే. దీంతో ఈ పోస్టర్ పవన్ అభిమానులకు.. జన సేన అభిమానులకూ నచ్చింది. 'మహర్షి' పోస్టర్ ఈమధ్య జరిగిన ఎలెక్షన్స్ సమయంలో రిలీజ్ అయి ఉంటే బాగుండేదని కొందరు పవన్ అభిమానులు సరదాగా కామెంట్ చేస్తున్నారు. ఇదిలా ఉంటే ఈ అన్ని ఫోటోలలో మహేష్ సేమ్ అందంతో ఉండడం విశేషం. మరి ఈ గాజు గ్లాసు మహేష్ కు సెంటిమెంట్ గా సూపర్ హిట్ ఇస్తుందేమో వేచి చూడాలి.