స్పైడర్ సెన్సార్ అప్పుడేనా?

టాలీవుడ్ అప్ కమింగ్ మూవీస్ లో మంచి బజ్ క్రియేట్ చేస్తున్న సినిమా.. మహేష్ బాబు నటించిన స్పైడర్. దసరా బరిలో ఇతర క్రేజీ ప్రాజెక్టులు కూడా ఉన్నా.. తెలుగుతో పాటు తమిళ్.. ఇతర భాషల్లో రిలీజ్ కానున్న స్పైడర్ పై ఇండస్ట్రీ జనాల్లో కూడా ఆసక్తి నెలకొంది. బాహుబలి మాదిరిగా ఈ సినిమా కూడా ఇతర రాష్ట్రాల్లో భారీ సక్సెస్ సాధిస్తే.. తెలుగు సినిమా మార్కెట్ విస్తృతం అయిందనే విషయాన్ని కన్ఫాం చేసుకోవచ్చు.

సెప్టెంబర్ 27న స్పైడర్ రిలీజ్ కానుండగా.. ఇంకా ఈ చిత్రానికి కనీసం ఆడియో కూడా పూర్తిగా రిలీజ్ చేయలేదు. ఇంకా మూవీ రిలీజ్ కు దాదాపు 4 వారాల సమయం ఉండగా.. అప్పుడే సెన్సార్ కబుర్లు తెలియరావడం ఆశ్చర్యం కలిగిస్తోంది. స్పైడర్ చిత్రానికి ఈ నెల అంటే సెప్టెంబర్ 10న సెన్సార్ కు పంపనున్నాడట దర్శకుడు మురుగదాస్. తెలుగు.. తమిళ్ భాషల్లో తెరకెక్కిన ఈ చిత్రాన్ని.. ఒకే పేరుతో రెండు భాషల్లోనూ విడుదల చేస్తుండడంతో.. రెండు లాంగ్వేజెస్ లోనూ ఒకే రోజున సెన్సార్ చేయించనున్నట్లు తెలుస్తోంది. ఇప్పటికే దాదాపు అన్ని పనులు పూర్తి చేసుకోగా.. రీసెంట్ గా పిక్చరైజ్ చేసిన రొమేనియా పాటకు సంబంధించిన వర్క్స్ కూడా సెప్టెంబర్ 5నాటికే పూర్తయిపోతాయట.

సెప్టెంబర్ 5 సాయంత్రం నాటికి స్పైడర్ ఫస్ట్ కాపీ సిద్ధం కానుందని తెలుస్తోంది. అందుకే మరో నాలుగు రోజుల పాటు గ్యాప్ తీసుకుని సెన్సార్ డేట్ నిర్ణయించుకున్నారట. మూవీ రిలీజ్ కి 17 రోజుల ముందే సెన్సార్ పూర్తి చేయాలని నిర్ణయించడం ఆశ్చర్యకరమే. ఇక స్పైడర్ ప్రమోషన్స్ పై కూడా యూనిట్ దృష్టి పెట్టనుంది. మొదట తమిళ్ వెర్షన్ కోసం ఆడియో రిలీజ్ చేయనుండగా.. ఆ తర్వాత తెలుగు స్పైడర్ కోసం ప్రీ రిలీజ్ ఈవెంట్ నిర్వహించనున్నారు.