స్పైడర్ హ్యాండిస్తున్నాడా??

అసలు సడన్ గా ఉన్నట్లుంది జూ.ఎన్టీఆర్ తన ''జై లవ కుశ'' సినిమాను సెప్టెంబర్ 21న రిలీజ్ చేస్తున్నట్లు ఎందుకు చెప్పాడబ్బా? ఇప్పుడున్న పరిస్థితిలో ఒక ఊరిలో ఉన్న 70% ధియేటర్లలో ఒకటే సినిమా రిలీజ్ అయితేనే 20 కోట్ల షేర్ కలక్షన్ మొదటిరోజున సాధ్యపడుతుంది. అటువంటిది ఇప్పుడు ఏకంగా ఒకేరోజు అటు మహేష్‌ 'స్పైడర్' ఇటు జూనియర్ 'లవ కుశ' వస్తే.. ఖచ్చితంగా ఓపెనింగులకు కోరికోరి పంక్చర్ పెట్టుకోవడమేగా.

కాకపోతే ఇక్కడ ట్విస్ట్ ఏంటంటే.. మహేష్‌ క్యాంప్ నుండి ఒక పక్కా సమాచారం ఉండటంతోనే మనోడు తన సినిమాను ప్రకటించాడట. ఇప్పటికే చాలా డేట్లను చెప్పిన ఏ.ఆర్.మురుగుదాస్ అండ్ మహేష్‌ బాబులు.. ''స్పైడర్'' విషయంలో సెప్టెంబర్ 21 లాక్ అని చెప్పేశారు. ఎందుకంటే అప్పుడు రిలీజ్ చేస్తే అటు బాలీవుడ్ ఇటు తమిళనాట కూడా రిలీజ్ సౌఖ్యంగా ఉందని అంటున్నారు. కాని ఇప్పుడు ఆ ఆలోచన మార్చుకున్నారట. దసరా పండగకు వచ్చే కంటే కూడా దీపావలికి వస్తే ఎంతో బెటర్ అని ఫీలయ్యారట. ముఖ్యంగా తమిళంలో ఎక్కువగా దున్నుకునే ఛాన్సు ఉంటుంది. అందుకే వెంటనే అదే తేదీకి రిలీజ్ మార్చేద్దాం అని ఫిక్సయినట్లు న్యూస్ రావడంతో.. ఇప్పుడు ఆ డేట్ ను జూనియర్ కబ్జా చేశాడన్నమాట.

ఇదంతా ప్రచారంలో ఉన్న ఒక థియరీ కాని.. ఇంతవరకు మహేష్‌ సైడ్ నుండి ఎటువంటి క్లారిటీ మాత్రం రాలేదు. మరి నిజంగానే పోస్టుపోన్ చేశారా లేదా అనే విషయం తెలియాలి. ఒకవేళ సెప్టెంబర్ 21నాడు మహేష్‌ రాకుండా హ్యాండిస్తే.. అభిమానులు ఎలా ఫీలవుతారో చూడాలి.

Like Us on Facebook : https://www.facebook.com/Tupakidotcom/