సంక్రాంతి రేసులో చేరిన మహేష్

సంక్రాంతి పండక్కి థియేటర్స్ ఇప్పటికే బ్లాక్ అయిపోయాయి. మూడు భారీ సినిమాలు, ఒక లో బడ్జెట్ మూవీ, మరో డబ్బింగ్ చిత్రం సిల్వర్ స్క్రీన్ పై వినోదం పంచనున్నాయి. ఎన్టీఆర్ - బాలకృష్ణల నందమూరి వార్ లో విజేతగా ఎవరు నిలుస్తారనే అంశంపై..ఫ్యాన్స్ ఆతృతగా ఎదురుచూస్తున్నారు.

మరోవైపు నాగ్ కూడా నేనున్నాను అనేశాడు. ఇప్పుడీ రేస్ లోకి మహేష్ బాబు కూడా ఎంటర్ అయ్యాడు. శ్రీమంతుడు చిత్రంతో టఫ్ ఫైట్ ఇవ్వనున్నాడు. కాకపోతే మహేష్ సినిమా ప్రదర్శించేది బుల్లితెరపైనే. సంక్రాంతి రోజున శ్రీమంతుడు చిత్రాన్ని టెలికాస్ట్ చేస్తున్నట్లు జీతెలుగు ప్రకటించింది. దీంతో ఆ షో టైంలో థియేటర్లు డల్ అవుతాయని అంటున్నారు. ఎందుకంటే.. మహేష్ కొత్త మూవీ ఎప్పుడు టెలికాస్ట్ అయినా.. ఆ ఎఫెక్ట్ థియేటర్ల కలెక్షన్ల పై సహజంగానే ఉంటుంది. అయితే.. సంక్రాంతి లాంటి పండక్కి మరీ థియేటర్లలో జనాలు కనిపించనంత పరిస్థితి ఉండదు కానీ.. కొంతమేర తోపులాటలు అయితే తగ్గుతాయి.

టాలీవుడ్ లో నాన్ బాహుబలి రికార్డులన్నిటినీ కొట్టేసిన శ్రీమంతుడు.. చిన్ని తెరపైనా సందడి బాగానే చేస్తాడనే అంచనాలున్నాయి. మరోవైపు సంక్రాంతి పండుగ రిలీజ్ ల కోసం నందమూరి - అక్కినేని అభిమానులు ఆతృతగా ఎదురుచూస్తున్నారు. ఇప్పుడు విడుదల కానున్న కొత్త సినిమాలు సృష్టించనున్న రికార్డులు కోసం వెయిట్ చేస్తున్నారు.