విషాదం తర్వాత మహేష్‌ మొదటి సారి...!

సూపర్‌ స్టార్‌ మహేష్ బాబు జీవితంలో అతి పెద్ద విషాదం ఇటీవల జరిగిన విషయం తెల్సిందే. ఆయన మాతృ మూర్తి ఇందిరా దేవి మరణం ఆయనకు ఎంతటి దుఃఖం ను మిగిల్చిందో ప్రత్యేకంగా చెప్పనక్కర్లేదు. మహేష్‌ బాబును ఎప్పుడు చూడని విధంగా కన్నీటి పర్యంతం అవుతున్న సమయంలో అభిమానులు చూశారు.

మహేష్‌ బాబు మరియు సితార కన్నీళ్లు పెట్టుకున్న విజువల్స్ ఏ స్థాయిలో వైరల్‌ అయ్యాయో ప్రత్యేకంగా చెప్పనక్కర్లేదు. మహేష్ బాబు ఆ విషాదం నుండి త్వరగా బయట పడాలని అభిమానులు కోరుకున్నారు. ఏదైనా విషాదం నుండి బయట పడాలి అంటే పనిలో పడాలి అంటారు. మహేష్‌ బాబు అదే చేస్తున్నట్లుగా తెలుస్తోంది.

మొన్న ఆదివారం తల్లి యొక్క సంతాప సభ నిర్వహించిన మహేష్ బాబు కుటుంబ సభ్యులు రెగ్యులర్‌ పనుల్లో నిమగ్నం అయ్యారని తెలుస్తోంది. మహేష్ బాబు ఇంట్లో ఉంటే అదే జ్ఞాపకాల్లో ఉండాల్సి వస్తుందేమో అనే ఉద్దేశ్యంతో షూటింగ్‌ లో జాయిన్ అయ్యాడట. తాజాగా జూబ్లీహిల్స్ లోని ఒక స్టూడియోలో మహేష్ బాబు షూటింగ్‌ లో పాల్గొన్నాడు.

ఒక యాడ్‌ చిత్రీకరణ కోసం మహేష్ బాబు నేడు ఆ స్టూడియోకి వెళ్లాడట. స్టూడియో లో చాలా సమయం మహేష్ బాబు షూటింగ్ కోసం ఉన్నాడు. ఆ షూట్‌ ని ముగించిన తర్వాత మహేష్‌ బాబు తిరిగి ఇంటికి వెళ్లారు. మునుపటి ఉత్సాహంతోనే మహేష్‌ షూట్‌ లో పాల్గొన్నారు అంటూ స్థానికంగా ఉన్న వారు అంటున్నారు. త్వరలోనే త్రివిక్రమ్‌ మూవీ షూట్‌ లో కూడా మహేష్‌ జాయిన్‌ అయ్యే అవకాశం ఉంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.