ఫేక్‌ అకౌంట్‌ ను ట్యాగ్‌ చేసిన మహేష్‌ బాబు

సోషల్‌ మీడియాలో స్టార్స్‌ కొన్ని సార్లు తప్పుగా ట్యాగ్‌ చేయడం చూస్తూ ఉంటాం. అవతలి వ్యక్తి పర్సనల్‌ సోషల్‌ మీడియా అకౌంట్‌ తెలియకపోయినా కూడా కొందరు ట్యాగ్‌ చేస్తూ పప్పులో కాలేస్తూ ఉంటారు. సెల్రబెటీల పేరుపై పదుల కొద్ది సోషల్‌ మీడియా అకౌంట్స్‌ ఉంటాయి. వాటిలో గుర్తించేందుకు వెరిఫికేషన్‌ గుర్తు ఉన్న అకౌంట్స్‌ మాత్రమే ట్యాగ్‌ చేయాల్సి ఉంటుంది. కాని కొన్ని సార్లు స్టార్స్‌ ఇతరుల గురించి మాట్లాడాల్సి వచ్చినప్పుడు తప్పుడు ట్యాగ్‌ చేయడంతో చర్చనీయాంశం అవుతూ ఉంటారు. ఇప్పుడు మహేష్‌ బాబు దర్శకురాలు సుధ కొంగర పేరును తప్పుగా ట్యాగ్‌ చేయడం చర్చనీయాంశం అయ్యింది.

ఇటీవల ప్రేక్షకుల ముందుకు వచ్చిన సురారై పోట్రూ సినిమాపై తన స్పందన తెలియజేయడంతో పాటు యూనిట్‌ సభ్యులకు అభినందనలు తెలియజేయడం కోసం మహేష్‌ బాబు ఒక ట్వీట్‌ చేశాడు. ఆ ట్వీట్‌ లో సూర్యపై ప్రశంసలు కురిపించిన మహేష్‌ దర్శకురాలి పనితీరును అభినందించాడు. ఆ సమయంలో ఆమె పేరుతో ఉన్న ఫేక్‌ ట్విట్టర్‌ అకౌంట్ ను ట్యాగ్‌ చేశాడు. సుధ కొంగర పేరుతో అధికారికంగా అకౌంట్‌ ఉన్నదా లేదా అనే విషయంపై క్లారిటీ లేదు. ఆమె ఎప్పుడు కూడా ట్విట్టర్‌ లో ఉండరు. అలాంటప్పుడు హ్యాష్‌ ట్యాగ్‌ తో సుధ కొంగర పేరు పెట్టాల్సి ఉంటుంది. కాని మహేష్‌ బాబు ఆమె ఫేరుతో నడుస్తున్న ఫేక్‌ అకౌంట్‌ ను ట్యాగ్‌ చేసి తప్పులో కాలేశాడు.