సినిమాలో పవన్.. ఫంక్షన్ కు మహేష్‌

ఒక సినిమాను ఎలా ప్రమోట్ చేస్తే మ్యాగ్జిమం అటెన్షన్ వస్తుందో అలాగే ప్రమోట్ చేస్తుంటారు మన ప్రొడ్యూసర్లు. మొన్నటివరకు తనకు తెలిసిన టాప్ స్టార్లందరినీ 'దర్శకుడు' సినిమా గురించి మాట్లాడించేశాడు సుకుమార్. చిరంజీవి నుండి ఎన్టీఆర్ వరకు.. చరణ్ నుండి బన్నీ వరకు అందరూ ఈ సినిమాను ప్రమోట్ చేసేశారు. ఇప్పుడు ఇదే తరాహాలో నితిన్ 'లై' కూడా ప్రమోట్ చేసుకోవాలని ఫిక్సయినట్లుంది.

ఆల్రెడీ పవన్ కళ్యాణ్‌ ఇనిస్పిరేషన్ తో సినిమాలు చేసే నితిన్.. సినిమాలో ఎలాగో పవర్ స్టార్ గురించి ఏదో ఒకటి పెడతాడు. అంతేకాకుండా హను రాఘవపూడి డైరక్షన్లో రూపొందుతున్న ఈ సినిమాలోని బొంభాట్ పోరి సాంగ్ పవన్ 'తమ్ముడు' సినిమాలో వయ్యారి భామ సాంగ్ తరహాలో ఉంది. ఆల్రెడీ పవన్ ఫ్లావర్ తెచ్చిన నితిన్.. ఇప్పుడు తన ప్రొడ్యూసర్ల ద్వారా మహేష్‌ సాయం తీసుకుంటున్నాడు. దూకుడు సినిమాను ప్రొడ్యూస్ చేసిన మహేష్‌ బాబుకు దగ్గరైన అనిల్ సుంకర.. ఇప్పుడు 'లై' సినిమా ఆడియో లాంచ్ కోసం సూపర్ స్టార్ ను చీఫ్‌ గెస్టుగా తెస్తున్నారట. మొత్తానికి టాలీవుడ్లోని ఇద్దరు టాప్ స్టార్లను బాగానే వాడేసుకుంటున్నారు.

అసలే 40 కోట్ల బడ్జెట్ తో రూపొందించిన సినిమా కాబట్టి.. విపరీతమైన ప్రమోషన్లను చేపబడితేనే 'లై' మూవీకి భారీ ఓపెనింగ్స్ వచ్చి రికవరీ ఈజీ అవుతుంది. బ్లాక్ బస్టర్ టాక్ వస్తే ఈ వసూళ్ళు పెద్ద విషయం కాదులే కాని.. అలా రావాలన్నా కూడా ప్రమోషన్ మాత్రం స్ర్టాంగ్ గా ఉండాలి. అది సంగతి.