మ‌్యూజియంలో మ‌హేష్ బొమ్మ‌

‘భ‌ర‌త్ అనే నేను’ సినిమాతో రికార్డుల భ‌ర‌తం ప‌డుతున్న టాలీవుడ్ సూప‌ర్ స్టార్ మ‌హేష్ బాబు మ‌రో అరుదైన ఘ‌న‌త సాధించ‌బోతున్నాడు. ప్ర‌ఖ్యాత మ‌డామే మ్యూజియంలో మ‌హేష్ మైన‌పు విగ్ర‌హాన్ని పెట్ట‌బోతున్నారు. ఇప్ప‌టికే ఈ ఘ‌న‌త‌ను బాహుబ‌లి ప్ర‌భాస్ ద‌క్కించుకోగా... అత‌ని త‌ర్వాత ఆ ఘ‌న‌త మ‌హేష్ బాబుకే ద‌క్కింది. అతి త్వ‌ర‌లో బ్యాంకాక్ లోని మ‌డామే టూసాడ్స్ లో మ‌హేష్ బొమ్మ క‌నిపించ‌బోతుంద‌న్న‌మాట‌.

మ్యూజియం నుంచి కొంద‌రు సాంకేతిక నిపుణులు హైద‌రాబాద్ కి వ‌చ్చి మ‌రీ సూప‌ర్ స్టార్ శ‌రీర కొల‌త‌ల‌ను తీసుకెళ్లారు. ఈ సంద‌ర్భంగా మ‌హేష్ త‌న ట్వీట్ట‌ర్ ఖాతాలో అభిమానుల‌తో ఈ విష‌యాన్ని పంచుకున్నాడు. ‘ప్ర‌తిష్టాత్మ‌క మ‌డామే మ్యూజియంలో చోటు ద‌క్క‌డం సూప‌ర్ సంతోషంగా ఉంది. నా కొల‌త‌లు తీసుకొనేందుకు వ‌చ్చిన మ్యూజియం అధికారుల‌కు ప్ర‌త్యేక కృత‌జ్ఞ‌త‌లు. ఇంక్రిడెబుల్‌!’. గ‌త ఏడాది ఇదే మ్యూజియంలో చోటు ద‌క్కించుకున్నాడు బాహుబ‌లి ప్ర‌భాస్‌. రాజ‌మౌళి తెరకెక్కించిన ‘బాహుబ‌లి’ సినిమా ప్ర‌పంచ‌వ్యాప్తంగా సృష్టించిన‌ ప్ర‌భంజ‌నం కార‌ణంగా రెబ‌ల్ స్టార్ కి ఈ ఘ‌న‌త ద‌క్కితే... ప్ర‌స్తుతం కొరిటాల శివ ద‌ర్శ‌క‌త్వంలో న‌టించిన‌ ‘భ‌ర‌త్ అనే నేను’ సినిమాతో క‌లెక్ష‌న్లు కొల్ల‌గొడుతున్న మ‌హేష్ బాబుకి ఈ ఘ‌న‌త ద‌క్క‌డం చాలా ప్ర‌త్యేక‌మైన విష‌య‌మే.

ఈ విషయం తెలిసిన వాళ్లంద‌రికీ ‘భ‌ర‌త్ అనే నేను’ ప్రీ రిలీజ్ ఫంక్ష‌న్లో ఎన్‌.టీ.ఆర్ అన్న‌ట్టుగా...మహేష్ నిజంగా ఓ అరుదైన ర‌క‌మే... అనుకుంటున్నారు మ‌హేష్ బాబు అభిమానులు. ఒకే సారి రెండు ఆనందాలు ద‌క్క‌డంతో పండ‌గ చేసుకుంటున్నారు.