శ్రీనివాస కళ్యాణం.. సూపర్ స్టార్ కనెక్షన్!

'శతమానం భవతి' కాంబో అయిన డైరెక్టర్ సతీష్ వేగేశ్న- స్టార్ ప్రొడ్యూసర్ దిల్ రాజు ల కలయిక మళ్ళీ 'శ్రీనివాస కళ్యాణం' తో రిపీట్ అవుతోంది. ఫ్యామిలీ ఎంటర్టైనర్ గా తెరకెక్కుతున్న ఈ సినిమాలో నితిన్ - రాశి ఖన్నా లు జోడీగా నటించారు. ఇప్పటికే రిలీజ్ అయిన పాటలు - టీజర్ - ఇతర ప్రమోలు సినిమాపై ఆసక్తిని పెంచాయి. ఇప్పుడు ట్రైలర్ రిలీజ్ కు రంగం సిద్ధం అయింది.

రేపు సాయంత్రం అంటే ఆగష్టు 2 సాయంత్రం 5.30 కు 'శ్రీనివాస కళ్యాణం' ట్రైలర్ రిలీజ్ అవుతుందని ఫిలిం మేకర్స్ ప్రకటించారు. ఇందులో విశేషం ఏంటంటే సూపర్ స్టార్ మహేష్ బాబు ఈ ట్రైలర్ రిలీజ్ చేయడం. అంతే కాకుండా ఈ సినిమాను ఆగష్టు 9 న రిలీజ్ చేస్తున్నామని కూడా ప్రకటించారు. ఇందులో కూడా మహేష్ బాబు కు ఓ స్పెషల్ కనెక్షన్ ఉంది. ఏంటో చెప్పుకోండి చూద్దాం.. ఆరోజు మన తెలుగు సూపర్ స్టార్ బర్త్ డే. సో.. ట్రైలర్ ను మహేష్ చేతుల మీదుగా రిలీజ్ చేయిస్తున్నారు. సినిమాను మహేష్ పుట్టిన రోజున రిలీజ్ చేస్తున్నారు. సో.. అదండీ మన 'శ్రీనివాస కళ్యాణం' సినిమాకు సూపర్ స్టార్ కు ఉన్న కనెక్షన్.

మరోవైపు మిక్కీ జె మేయర్ అందించిన సంగీతం ఇప్పటికే మ్యూజిక్ లవర్స్ ను ఆకట్టుకుంటోంది. చూస్తుంటే.. దిల్ రాజు చెప్పినట్టు ఈ సినిమా నితిన్ కెరీర్ లో ఓ మైల్ స్టోన్ అయ్యే సూచనలు కనిపిస్తున్నాయి. సరే.. ఇది మరీ తొందరపాటు ఊహాగానం అంటే రేపు ట్రైలర్ రిలీజ్ అయ్యాక తీరిగ్గా మాట్లాడుకుందాం..!