మహేశ్ బాబు ఛానల్ పెడుతున్నాడు..

చిరంజీవి, నాగార్జునలకు 'మా' టీవీలో భాగస్వామ్యం ఉంది. 'స్టూడియో ఎన్' ఎన్టీఆర్ మామగారిది. ఇప్పుడు మహేష్ బాబు కూడా సొంతంగా ఛానల్ పెట్టాలని ఫిక్స్ అయ్యాడట.... అయితే.. ఆయన ఎలాంటి ఛానల్ పెడుతున్నాడు..? ఎన్నికోట్ల తో పెడుతున్నాడు... ఎప్పుడు వస్తుంది... పేరేంటి వంటి ప్రశ్నలేయొద్దు... ఎందుకంటారా అది టీవీ చానల్ కాదు. యూట్యూబ్ చానల్.

ఆయన పుట్టినరోజు సందర్భంగా యుట్యూబ్ లో సొంతంగా ఓ ఛానల్ ప్రారంభిస్తున్నాడు. ఆదివారమే దీన్ని ప్రారంభిస్తున్నారు.. సూపర్ స్టార్ కృష్ణ మహేష్ బాబుకు పుట్టినరోజు శుభాకాంక్షలు తెలిపిన వీడియోని మొట్టమొదటగా అప్ లోడ్ చేస్తారు. తర్వాత మహేష్ నటించిన కొత్త చిత్రాలు, వాటి ట్రైలర్లు అందులో పెడతారు. మహేష్ పుట్టినరోజు సందర్భంగా విడుదలయిన తాజా చిత్రం "శ్రీమంతుడు" సూపర్ హిట్టయ్యింది. ఈ సినిమా చిత్రీకరణకు సంబంధించిన దృశ్యాలు, ఇతర విశేషాలు.. మహేష్ లైఫ్ కు సంబంధించిన కొన్ని క్లిప్పింగులూ ఇందులో ఉంచుతారని సమాచారం.