గ్యారేజ్ తర్వాత జ్యో ని వాడేస్తున్నాడు

సూపర్ స్టార్ మహేష్ బాబు నటిస్తున్న లేటెస్ట్ మూవీ షూటింగ్.. ప్రస్తుతం చెన్నైలో జరుగుతోంది. ఇప్పటికే ఓ షెడ్యూల్ ను హైద్రాబాద్ లో జరిపి.. తర్వాత చెన్నై చేరిన మురుగదాస్ అండ్ టీం.. తర్వాత మళ్లీ హైద్రాబాద్ లో ఓ మేజర్ షెడ్యూల్ ని ప్లాన్ చేసినట్లు తెలుస్తోంది. వచ్చే నెల ప్రారంభంలో మహేష్ హైద్రాబాద్ లో షూటింగ్ చేయనుండగా.. ఇప్పటికే దీనికి సంబంధించిన వర్క్ ప్రారంభమైంది.

ఈ మూవీ కోసం 90 ల కాలం నాటిది అనిపించే ఓ ఇంటి సెట్ ని వేయాల్సి ఉందట. అయితే.. జ్యో అచ్యుతానంద మూవీలో వేసిన హౌస్ సెట్ బాగుండడంతో.. స్వల్పంగా మార్పులు చేసి.. ఇందులోనే షూటింగ్ చేయాలని దర్శకుడు భావిస్తున్నట్లు తెలుస్తోంది. ఇప్పటికే కొన్ని పనులు కూడా జరుగుతుండడంతో.. జ్యో అచ్యుతానంద సెట్లో మహేష్ షూటింగ్ ఖాయం అంటున్నారు. దీనికి ముందు జనతా గ్యారేజ్ సెట్ ని కూడా ఉపయోగించుకునేందుకు నిర్ణయించారు మహేష్ అండ్ టీం.

గ్యారేజ్ సెట్ లో ఓ ఫైట్ తో పాటు ఒక పాటను కూడా తీయాలని నిర్ణయించినట్లు ఇప్పటికే వార్తలు అందుతున్నాయి. షూటింగ్ ని ఫాస్ట్ గా ఫినిష్ చేయడానికి.. రెడీమేడ్ గా ఉన్న సెట్టింగ్స్ వాడేస్తూ.. మురుగదాస్ ఉపయోగిస్తున్న టెక్నిక్స్ చూస్తుంటే చాలామందికి ఆశ్చర్యంగా ఉంది. అందుకే జనవరి నాటికి ఈ మూవీ షూటింగ్ ఫినిష్ అయిపోతుందని.. యూనిట్ అంత నమ్మకంగా చెబుతోంది. అయినా సరే రిలీజ్ మాత్రం సమ్మర్ కే నండోయ్!