ఆ సినిమా రిజల్ట్ ముందే కనిపెట్టిన మహేష్..!

స్టార్ హీరోలు చేస్తున్న సినిమాల మీద ఎంత కమిటెడ్ గా ఉంటారో తెలిసిందే. ఒక్క సినిమాతో కెరీర్ డిసైడ్ అవుతుందా అని చెప్పలేం కానీ ఒక్క సినిమా కెరీర్ ని టర్న్ చేస్తుందని చెప్పొచ్చు. అలా మహేష్ సినిమా కొన్ని తన కెరీర్ ని టర్న్ చేసిన సినిమాలు ఉన్నాయి. అయితే తను హీరోగా నటించినా సరే తనకు ఏమాత్రం సంతృప్తిని ఇవ్వని సినిమాలు కూడా ఉన్నాయి. ఇది స్వయంగా మహేష్ చెప్పడం విశేషం. అంతేనా తను నటించిన ఒక సినిమా ప్రీమియర్ షో లో ఫస్ట్ హాఫ్ కాగానే మహేష్ ఇంటికి వచ్చేశాడట.

ఇంతకీ మహేష్ ముందే ఫ్లాప్ అని డిసైడ్ అయిన సినిమా ఏది అంటే వంశీ అని తెలుస్తుంది. రాజకుమారుడుతో గ్రాండ్ ఎంట్రీ ఇచ్చిన మహేష్ తండ్రి కృష్ణతో మరో సినిమా చేయాలని అనుకున్నారు. పద్మాలయ స్టూడియోస్ తో తన 3వ సినిమా ఫిక్స్ అవగా అప్పటి స్టార్ డైరెక్టర్ బి.గోపాల్ తో వంశీ సినిమా పట్టాలెక్కించారు. స్క్రిప్ట్ సరిగా లేకుండానే సినిమా సెట్స్ మీదకు వెళ్లిందట. ఇక ఎలాగోలా సినిమా పూర్తి చేయగా ప్రీమియర్ టైం లో ఫస్ట్ హాఫ్ చూసి మహేష్ ఇంటికి వచ్చి రూం లో డోర్ వేసుకుని పడుకున్నాడట.

సినిమా పూర్తయ్యాక కొందరు కాల్ చేసి సినిమా బాగుందని చెప్పినా రిలీజ్ తర్వాత సినిమా డిజాస్టర్ అయ్యింది. సో తన గెస్ కరెక్ట్ అని మహేష్ అనుకున్నాడట. సినిమా షూటింగ్ టైం లోనే తను ఏమాత్రం ఎగ్జైట్ కాకపోవడం తోనే రిజల్ట్ పసిగట్టాడు మహేష్. తన కెరీర్ లో ఎన్ని భారీ డిజాస్టర్ లు ఉన్నా వంశీ సినిమా తనని ఎక్కువ బాధ పెట్టిందని మహేష్ టక్కరి దొంగ టైం లో ఒక ఇంటర్వ్యూలో చెప్పారు. ఇక తన సినిమా ఏదైనా ఆశించిన స్థాయిలో ఫలితాన్ని అందుకోకపోతే తన మదర్ దగ్గరకు వెళ్లి ఆమె చేతి కాఫీ తాగి రీఫ్రెష్ అవుతారట మహేష్. ఈ విషయాన్ని చాలాసార్లు ఆడియన్స్ తో పంచుకున్నారు.

వంశీ సినిమా ద్వారానే నమ్రత మహేష్ లైఫ్ లోకి వచ్చింది. ఆ సినిమా టైం లోనే వారిద్దరి అభిరుచులు కలిసి ప్రేమించుకుని పెళ్లి చేసుకున్నారు. మహేష్ తో నమ్రత చేసిన ఆ సినిమా తన కెరీర్ లోనే బిగ్గెస్ట్ డిజాస్టర్ అని మహేష్ చెప్పడం అందరికి షాక్ ఇచ్చింది.