దుబాయ్ పోలీస్ స్టేషన్ లో మహేష్ బాబు..!

సూపర్ స్టార్ మహేష్ బాబు ప్రస్తుతం దుబాయ్ లో ఉన్న సంగతి తెలిసిందే. తాను నటిస్తున్న లేటెస్ట్ మూవీ 'సర్కారు వారి పాట' షూటింగ్ నిమిత్తం మహేష్ తన ఫ్యామిలీతో కలిసి అక్కడే ఉన్నాడు. అయితే తాజాగా మహేష్ దుబాయ్ లోని స్మార్ట్ పోలీస్ స్టేషన్ ని సందర్శించినట్లు తెలుస్తోంది. ఈ విషయాన్ని గల్ఫ్ మీడియా వెల్లడిస్తూ దీనికి సంబంధించిన ఓ వీడియోని సోషల్ మీడియాలో షేర్ చేసింది. ఈ వీడియోలో మహేష్ బాబు మెడపై రూపాయి కాయిన్ టాటూ చూస్తుంటే, స్మార్ట్ పోలీస్ స్టేషన్ లో షూటింగ్ చేస్తున్నారని తెలుస్తోంది. ఇలాంటి పోలీస్ స్టేషన్ ను ఇంతకముందు ఎప్పుడూ చూడలేదని.. ఇది వరల్డ్ లోనే మొదటిదని.. ఇక్కడికి రావడం సంతోషంగా ఉందని మహేష్ పేర్కొన్నాడు.

ఇకపోతే ఇటీవల మహేష్ బాబు 'సర్కారు వారి పాట' షూటింగ్ గురించి వెల్లడిస్తూ.. ఇన్స్టాగ్రామ్ లో దుబాయ్ విశిష్టతను తెలియజేస్తూ ఓ పోస్ట్ పెట్టాడు. 'దుబాయ్‌ లో షూటింగ్‌ లో పాల్గొన‌డం అద్బుత‌మైన అనుభ‌వం. మాకు ఘ‌నంగా స్వాగ‌తం ప‌లికిన ఇక్కడి వారికి కృత‌జ్ఞ‌త‌లు' అంటూ మహేష్ కొన్ని ఫోటోలను షేర్ చేసాడు. ఇదిలా ఉండగా దుబాయ్‌ లో 'సర్కారు వారి..' సెకండ్ షెడ్యూల్ చిత్రీక‌ర‌ణ జరుపుతున్నారు. మహేష్‌ - కీర్తి సురేష్‌ ల‌పై కీల‌క సన్నివేశాల‌ను చిత్రీక‌రిస్తున్నారని సమాచారం. ఫిబ్ర‌వ‌రి 21నాటికి ఈ షెడ్యూల్ పూర్తిచేసుకొని తిరిగి ఇండియాకి రానున్న నేపథ్యంలో 'దుబాయ్ డైరీస్' వీడి‌యోను విడుద‌ల చేయాలని చిత్ర యూనిట్ ప్లాన్ చేస్తోందని తెలుస్తోంది. దీని వల్ల సినిమాకు ప్రమోషన్స్ దక్కడమే కాకుండా లొకేషన్స్ పరంగాను ప్రేక్షకుల్లో ఆసక్తి కలిగే అవకాశం ఉంది.