మళ్లీ మహేష్‌ పై బన్నీదే పై చేయి

మొన్న సంక్రాంతికి తెలుగు ప్రేక్షకుల ముందుకు నాలుగు సినిమాలు వచ్చాయి. ఆ నాలుగు సినిమాల్లో అల వైకుంఠపురంలో ఇంకా సరిలేరు నీకెవ్వరు చిత్రాలు హోరా హోరీగా తలపడ్డాయి. ఎవరు ఏం అనుకున్నా కూడా కలెక్షన్స్‌ విషయంలో మహేష్‌ బాబు కంటే అల్లు అర్జున్‌ పై చేయి సాధించాడు అంటూ మెగా ఫ్యాన్స్‌ గొప్పగా చెప్పుకుంటున్నారు. అల వైకుంఠపురంలో చిత్రం నాన్‌ బాహుబలి రికార్డును బ్రేక్‌ చేయడంతో పాటు కొన్ని చోట్ల బాహుబలి మొదటి పార్ట్‌ కంటే కూడా అధికంగా వసూళ్లను రాబట్టినట్లుగా యూనిట్‌ సభ్యులు ప్రకటించారు.

కలెక్షన్స్‌ విషయంలో బన్నీదే పై చేయి అంటూ ట్రేడ్‌ విశ్లేషకులు కూడా ప్రకటించారు. ఇక సినిమా విడుదలకు ముందే పాటలతో యూట్యూబ్‌ లో ఓ రేంజ్‌ లో సందడి చేసిన అల వైకుంఠపురంలో సినిమా పాటు సరిలేరు నీకెవ్వరు చిత్రం పాటలను బీట్‌ చేశాయి. మెగా కాంపౌండ్‌ మాట ప్రకారం అల వైకుంఠపురంలో సినిమాలోని ఒక్క పాటకు వచ్చిన వ్యూస్‌ సరిలేరు నీకెవ్వరు సినిమా మొత్తం ఆల్బంకు రాలేదట. ఆడియో సాంగ్స్‌ యూట్యూబ్‌ లో రికార్డు సాధిస్తే ఇప్పుడు వీడియో సాంగ్స్‌ కూడా అదే స్థాయిలో కుమ్మేస్తున్నాయట.

సరిలేరు నీకెవ్వరు చిత్రంలోని మైండ్‌ బ్లాక్‌ ఇంకా అల వైకుంఠపురంలోని రాములో రాముల వీడియో సాంగ్స్‌ కొన్ని రోజుల తేడాలో వచ్చాయి. ఈ రెండు సాంగ్‌ యూట్యూబ్‌ లో పోటీ పడ్డాయి. అయితే పోటీలో మైండ్‌ బ్లాక్‌ పాట వెనుకపడి పోయింది. రాములో రాముల పాట మిలియన్‌ ల వ్యూస్‌ తో దూసుకు పోతుంది. అలాగే బుట్ట బొమ్మ వీడియో సాంగ్‌ కు కూడా అద్బుతమైన రెస్పాన్స్‌ వస్తుంది.

సినిమా వచ్చి చాలా రోజులైనా సినిమా ఇప్పటికే ఓటీటీ పై వచ్చినా కూడా పాటలకు మాత్రం విపరీతమైన క్రేజ్‌ ఉందంటూ మెగా ఫ్యాన్స్‌ అంటున్నారు. సినిమా కలెక్షన్స్‌ విషయంలోనే కాకుండా ఈసారి వీడియో సాంగ్స్‌ విషయంలో కూడా మహేష్‌ పై అల్లు అర్జున్‌ దే పై చేయి అంటూ మెగా ఫ్యాన్స్‌ సోషల్‌ మీడియాలో పోస్ట్‌ చేస్తున్నారు.