మరో చిన్ని గుండెకు ప్రాణం పోసిన మహేష్ బాబు!

సినిమాల్లో హీరోలు అనిపించుకున్నవారంతా నిజజీవితంలో హీరోలు కాలేరు. కానీ.. కొందరు మాత్రం రీల్ లైఫ్ లోనే కాదు.. రియల్ లైఫ్ లోనూ నిజమైన హీరోలు అనిపించుకుంటారు. అలాంటి వారిలో మన టాలీవుడ్ సూపర్ స్టార్ మహేష్ బాబు కూడా ఒకరు. తన సంపాదనలో ఇప్పటికే చాలా వరకూ సొసైటీకి ఖర్చు చేశారు ప్రిన్స్. ఇప్పటికే ఎన్నో వేలాది చిట్టి గుండెలకు ఊపిరి పోసిన మహేష్ బాబు.. తాజాగా మరో చిన్నారికి ప్రాణం పోశారు.

ఇప్ప‌టి వ‌ర‌కు ఎంతో మంది చిన్నారుల‌కు గుండె ఆప‌రేష‌న్లు చేయించారు మ‌హేష్. ఈ మ‌ధ్య‌నే ఆంధ్ర‌ప్ర‌దేశ్ కు చెందిన ఇద్ద‌రు చిన్నారుల‌కు హార్ట్ స‌ర్జ‌రీ చేయించారు. తాజాగా మ‌రో చిన్నారికి గుండె చికిత్స చేయించారు. అరుదైన గుండె జ‌బ్బుతో బాధ‌ప‌డుతున్న బాబుకు ఆప‌రేష‌న్ చేయించారు. ఈ విష‌యాన్ని మ‌హేష్ బాబు టీమ్ తోపాటు ఆయ‌న స‌తీమ‌ణి న‌మ్ర‌తా శిరోద్క‌ర్ కూడా సోష‌ల్ మీడియాలో పోస్టు చేశారు.

ప్ర‌స్తుతం ఆ బాబు ఆరోగ్యం బాగుంద‌ని, ఆసుప‌త్రి నుంచి డిశ్చార్జ్ కూడా చేశార‌ని తెలిపారు. అత‌ని ఆరోగ్యం కోలుకున్నందుకు చాలా ఆనందంగా ఉంద‌ని ప్ర‌క‌టించిన న‌మ్ర‌త‌.. ఈ ఆప‌రేష‌న్ చేసిన ఆంధ్ర హాస్పిట‌ల్స్ యాజ‌మాన్యానికి ధ‌న్యవాదాలు తెలిపారు. ఆ బాబు పూర్తిగా కోలుకొని ఆనందంతో ఎద‌గాల‌ని దేవుడిని ప్రార్థిస్తున్న‌ట్టు చెప్పారు.

ఈ మేర‌కు సోష‌ల్ మీడియాలో పోస్టు చేశారు. ఆప‌రేష‌న్ చేయించుకున్న చిన్నారితోపాటు ఆమె తల్లి ఉన్న చిత్రాన్ని ట్విట‌ర్ లో పోస్టు చేశారు. ''ఎంబీ సేవింగ్ హార్ట్స్‌'' అనే హ్యాష్ ట్యాగ్ ను సైతం ఈ ఫొటోకు జ‌త‌చేశారు. ఈ విష‌యం తెలుసుకున్న ఫ్యాన్స్‌.. సూప‌ర్ స్టార్ మ‌హేష్ బాబును ఆకాశానికి ఎత్తేస్తున్నారు. లైకుల వ‌ర్షం కురిపిస్తున్నారు. మ‌హేష్ ఆల్వేస్ సూప‌ర్ స్టార్ అని కామెంట్లు చేస్తున్నారు.