డైరక్టర్ కొడుకు కోసం మహేష్‌ ట్వీట్‌

సూపర్‌ స్టార్‌ మహేష్‌ ఈ మధ్యన ట్విట్టర్‌ లో చాలామందిని ప్రమోట్‌ చేస్తున్నాడు. యథావిథిగా బావ గారు సుధీర్‌ బాబును ఎప్పుడూ ప్రమోట్‌ చేస్తాడు. ఇక నరేష్‌ తనయుడు నవీన్‌ ను కూడా ఆ మధ్య ప్రమోట్‌ చేశాడు. హిందీలో తెరంగేట్రం చేసిన సూరజ్‌ పాంచోలి - అథియా షెట్టిలకు కూడా విషెస్‌ చెప్పాడు. అఖిల్‌ ను కూడా ఎంకరేజ్‌ చేశాడు. ఇప్పుడు అదే పంథాను మరోసారి కొనసాగించాడు.

తనకు 2002లో ఓ అతి పెద్ద ఫ్లాప్‌ ఇచ్చిన దర్శకుడు శోభన్‌. 'బాబీ' అనే సినిమాను తీశాడు ఆయన. అయినాసరే మహేష్‌ కు ఈ దర్శకుడు అంటే ఇష్టం. ఎందుకంటే మురారి సినిమా రైటింగ్‌ డిపార్టుమెంటులో శోభన్‌ దే కీలక పాత్ర. అందుకే సినిమా ఫ్లాపైనా మహేష్‌ ఎప్పుడూ శోభన్‌ గురించి గొప్పగానే చెప్పేవాడు. ఆ తరువాత వర్షం తో పెద్ద హిట్టే కొట్టిన శోభన్‌.. అకస్మాత్తుగా హార్ట్‌ ఎటాక్‌ తో మరణించాడు. ఇప్పుడిక దివంగత శోభన్‌ తనయుడు సంతోష్‌ ''తనూ నేను'' సినిమాతో హీరోగా పరిచయం అవుతున్నాడు. ఇతగాడిని ప్రమోట్‌ చేస్తూ ఏకంగా మహేష్‌ పెద్ద ట్వీటే వేశాడు.