ఫోటో స్టోరీ: తండ్రి కూతురు సందడి

సూపర్‌ స్టార్‌ మహేష్‌ బాబు వరుస సినిమాలు, యాడ్స్‌, వ్యాపారాలు.. ఇలా ఎంత బిజీగా ఉన్నా కూడా కుటుంబంకు ఖచ్చితంగా టైం కేటాయిస్తూనే ఉంటాడు. సమయం చిక్కినప్పుడల్లా మహేష్‌ బాబు తన భార్య నమ్రత మరియు పిల్లలతో కలిసి విదేశాలకు హాలీడే ట్రిప్స్‌ వేస్తూనే ఉంటాడు. సహజంగా స్టార్స్‌ ఎక్కువ శాతం మంది తమ పర్సనల్‌ లైఫ్‌ ను ఫ్యాన్స్‌ ముందుకు తీసుకు వచ్చేందుకు, పబ్లిక్‌ ముందుకు తీసుకు వచ్చేందుకు ఆసక్తి చూపించరు. కాని మహేష్‌ బాబు ఆ విషయంలో పెద్దగా పట్టింపులు లేకుండా ప్రవర్తిస్తున్నాడు.

అప్పట్లో మహేష్‌ బాబు అంటే పెద్దగా బయటకు వెళ్లడు, వెళ్లినా ఎవరికి తెలియదు అంటూ అంతా అనుకునేవారు. కాని నమ్రతను వివాహం చేసుకున్న తర్వాత, పిల్లలు పుట్టిన తర్వాత మహేష్‌ లో చాలా మార్పు కనిపిస్తుంది. పబ్లిక్‌ ఈవెంట్స్‌ లో ఎక్కువ పాల్గొనడంతో పాటు, సోషల్‌ మీడియాలో ఎప్పటికప్పుడు సందడి చేస్తూనే ఉంటాడు. మహేష్‌ కు సంబంధించిన ప్రతి అప్‌ డేట్‌ ను నమ్రత తన సోషల్‌ మీడియా పేజీలో షేర్‌ చేసుకుంటూనే ఉంటుంది.

మహేష్‌ బాబు తాజాగా తన కుటుంబ సభ్యులతో కలిసి హాలీడే ట్రిప్‌ ఎంజాయ్‌ చేశాడు. ఆ సందర్బంగా తీసిన ఈ ఫొటోను నమ్రతా తన సోషల్‌ మీడియా పేజ్‌ లో షేర్‌ చేసింది. హ్యాండ్ సమ్‌ - స్టైలిష్‌ లుక్‌ లో మహేష్‌ బాబు ఉండగా, అదే స్టిల్‌ లో కూతురు సితార చాలా క్యూట్‌ గా కనిపిస్తూ ఉంది. తండ్రి ఎలాగో కూతురు కూడా అలాగే అంటూ నమ్రత ఈ ఫొటోకు కామెంట్‌ పెట్టి షేర్‌ చేసింది. ప్రస్తుతం ఈ ఫొటో సోషల్‌ మీడియాలో తెగ వైరల్‌ అయ్యింది.

ప్రస్తుతం మహేష్‌ బాబు తన 25వ చిత్రం ‘మహర్షి’లో నటిస్తున్నాడు. వంశీ పైడిపల్లి దర్శకత్వం వహిస్తున్న ఆ సినిమా వచ్చే సమ్మర్‌ లో ప్రేక్షకుల ముందుకు రాబోతుంది.