లేడీ డైరెక్టర్ తో మహేష్ బాబు..?

సూపర్ స్టార్ మహేష్ బాబు ప్రస్తుతం 'సర్కారు వారి పాట' సినిమాలో నటిస్తున్న సంగతి తెలిసిందే. బ్యాంకింగ్ రంగంలో జరిగే మోసాల నేపథ్యంలో దర్శకుడు పరశురామ్ ఈ చిత్రాన్ని తెరకెక్కిస్తున్నారు. ఈ సినిమాని 2022 సంక్రాంతికి ప్రేక్షకుల ముందుకు తీసుకురానున్నారు. దీని తర్వాత మహేష్ చేయబోయే ప్రాజెక్ట్స్ గురించి ఇప్పటికే క్లారిటీ వచ్చేసింది. దర్శకధీరుడు రాజమౌళి దర్శకత్వంలో మహేష్ ఓ జంగిల్ బేస్డ్ అడ్వెంచర్ మూవీ చేయనున్నాడు. ఇదే క్రమంలో త్రివిక్రమ్ శ్రీనివాస్ తో మహేష్ ఓ సినిమా చేయడానికి సన్నాహాలు చేస్తున్నారని ఈ మధ్య వార్తలు వస్తున్నాయి. దీనికి సంబంధించిన అధికారిక ప్రకటన రావాల్సి ఉండగా.. తాజాగా కోలీవుడ్ డైరెక్టర్ కు మహేష్ గ్రీన్ సిగ్నల్ ఇచ్చారని టాక్ నడుస్తోంది.

లేడీ డైరెక్టర్ సుధ కొంగర దర్శకత్వంలో ఒక సినిమా చేయడానికి మహేష్ పచ్చ జెండా ఉపారననే వార్త ఇప్పుడు ఫిలిం సర్కిల్స్ లో హల్ చల్ చేస్తోంది. 'గురు' (సాలా ఖడూస్) సినిమాతో దర్శకురాలిగా మంచి గుర్తింపు తెచ్చుకున్న సుధా కొంగర.. ఇటీవల సూర్య హీరోగా ‘ఆకాశం నీ హద్దురా’ (సూరారై పొట్రు) సినిమాని తెరకెక్కించి సూపర్ హిట్ అందుకుంది. ఈ క్రమంలో ప్రేక్షకుల మన్ననలతో పాటుగా విమర్శకుల ప్రశంసలను కూడా అందుకుంది. దీంతో ఆమె తదుపరి సినిమా ఎంటనేది ఆసక్తికరంగా మారింది. ఈ నేపథ్యంలో ఇటీవల మహేశ్ బాబును కలిసి సుధా కొంగర ఓ కథ వినిపించారట. స్క్రిప్ట్ లోని కొత్తదనం నచ్చడంతో మహేష్ సైడ్ నుంచి పాజిటివ్ రెస్పాన్స్ వచ్చిందని అంటున్నారు. మహేష్ 'సర్కారు వారి పాట' సినిమా త్రివిక్రమ్ తో.. ఆ తర్వాత రాజమౌళితో సినిమాలు చేస్తారని తెలుస్తోంది. ఈ నేపథ్యంలో లేడీ డైరెక్టర్ తో మహేష్ బాబు సినిమా ఉంటుందో లేదో తెలియాలంటే ఇంకొన్నాళ్లు ఆగాల్సిందే.