డాడీతో సీతా పాప.. అల్ల‌ర‌ల్ల‌రే!

అల్ల‌రి సితార గురించి ఎంత చెప్పినా త‌క్కువే. త‌న బుజ్జి బుజ్జి చేష్ట‌ల‌తో అల్ల‌రి వేషాల‌తో ఇప్ప‌టికే సోష‌ల్ మీడియాలో బోలెడంత ఫాలోయింగ్ సంపాదించుకుంది. ల‌క్ష‌ల్లో ఫ్యాన్స్ త‌నను సోష‌ల్ మీడియా మాధ్య‌మాల్లో అనుస‌రిస్తున్నారు. త‌న‌కు సంబంధించిన అల్ల‌రి వీడియోల్ని షేర్ చేసుకుంటూ వాటికి స‌ర‌దాగా స్పందిస్తూనే ఉన్నారు. వంశీ పైడి ప‌ల్లి గారాల‌ప‌ట్టీ ఆద్య‌తో క‌లిసి యూట్యూబ్ చాన‌ల్ ర‌న్ చేస్తున్న సితార సెల‌బ్రిటీ ఇంట‌ర్వ్యూల్ని చేస్తూ ఆక‌ట్టుకుంటోంది.

స‌రిలేరు నీకెవ్వ‌రు రిలీజ్ ముందు సీతా పాప చేసిన సంద‌డి ఆషామాషీ కాదు. ఆ సినిమా హీరోయిన్ ర‌ష్మిక‌ను ఇమ్మిటేట్ చేస్తూ సితార చేసిన డ్యాన్సుల‌కు బోలెడంత ఫ‌న్ జ‌న‌రేట్ అయ్యింది. క్యూట్ గా ల‌వ్ లీగా స్టెప్పులు వేసి స‌రిలేరుకి బోలెడంత ప్ర‌మోష‌న్ చేసింది. ప్ర‌తిసారీ వెకేష‌న్ వెళ్లిన‌ప్పుడు మామ్ డాడ్ తో క‌లిసి సితార చేసే సంద‌డి అంతా ఇంతా కాదు. ఆ ఫోటోలు వీడియోలు ఇప్ప‌టికే అభిమానుల్లోకి దూసుకెళ్లాయి.

తాజాగా డాడ్ మ‌హేష్ తో సితార అల్ల‌ర‌ల్ల‌రి చేస్తున్న ఫోటో ఒక‌టి రివీలైంది. ఇది అరుదైన మూవ్ మెంట్ కి సంబంధించిన ఫోటో. ఆ టైమింగ్ అదిరిపోయింద‌నే చెప్పాలి. ఈ ఫోటోని న‌మ్ర‌త స్వ‌యంగా అభిమానుల‌కు షేర్ చేశారు. మ‌హేష్ ఫుల్ ఎంజాయ్ మోడ్ లో స్మైలిస్తూ క‌నిపిస్తున్నారు. త‌న వెన‌క‌గా వ‌చ్చి భుజాల‌పై త‌ల ఆన్చి సీతా పాప ఏం చేస్తోందో చూడండి.