కూతురుతో మహేష్‌ చిల్లింగ్ మూమెంట్‌

సూపర్ స్టార్‌ మహేష్‌ బాబు ఈమద్య కాలంలో కరోనా కారణంగా షూటింగ్ లకు తక్కువ హాజరు అవుతూ ఇంట్లోనే ఎక్కువగా గడుపుతున్నారు. కేవలం మహేష్‌ బాబు మాత్రమే కాకుండా ఇండస్ట్రీ కి చెందిన ప్రముఖుల అందరి పరిస్థితి కూడా అంతే ఉంది. అయితే చాలా మంది షూటింగ్ లేకుంటే బయటకు వెళ్తారు.. కాని మహేష్ బాబు మాత్రం ఎక్కువ సమయం పిల్లలతో గడిపేందుకు ఆసక్తి చూపిస్తూ ఉంటాడు. ఆ విషయాన్ని స్వయంగా పలు సందర్బాల్లో ఆయన చెప్పుకొచ్చాడు. మహేష్‌ బాబు గతంలో పిల్లలతో గడిపిన ఫొటోలు మరియు వీడియోలు వైరల్‌ అయిన విషయం తెల్సిందే. మహేష్ బాబు పిల్లలతో సరదాగా గడిపే మూమెంట్స్ ను రెగ్యులర్ గా నమ్రత శిరోద్కర్‌ షేర్ చేయడం జరుగుతూనే ఉంది. తాజాగా మరో ఫొటోను షేర్‌ చేసి అభిమానులకు కన్నుల వింధు చేసింది.

మహేష్‌ బాబు మరియు సితార కలిసి ఒక పెట్ తో ఆడుకుంటూ ఉన్న ఫొటోను షేర్‌ చేసింది. ఫొటోతో పాటు కొన్ని సార్లు ఈ చిన్న ప్రాణం మీ యొక్క హార్ట్‌ ను ప్రేమ తో నింపేస్తుంది అంటూ కామెంట్‌ పెట్టింది. మహేష్ బాబు మరియు సితారలకు పెట్స్ అంటే చాలా ఇష్టం. ఇంట్లో ఎక్కువ సమయం వాటితోనే గడుపుతూ ఆనందంగా జీవనం సాగిస్తూ ఉంటారు. తండ్రి కూతురు కలిసి జంతువులతో ఎంజాయ్ చేస్తున్న ఫొటోలను మరియు వీడియోలను నమ్రత చాలా క్రియేటివిటీతో ఇలా తీసి నెట్టింట షేర్‌ చేస్తూ ఉంటారు. మహేష్ బాబు అభిమానులు నమ్రత శిరోద్కర్ పోస్ట్‌ లతో తడిసి ముద్ద అవుతూనే ఉంటారు. తాజాగా ఆమె బ్యాక్ టు బ్యాక్ మహేష్ బాబు ఫొటోలను షేర్‌ చేయడం అభిమానులకు ఆనందం కలిగిస్తుంది.

ఇక మహేష్ బాబు సినిమాల విషయానికి వస్తే ప్రస్తుతం పరశురామ్‌ దర్శకత్వంలో రూపొందుతున్న సర్కారు వారి పాట చివరి దశ చిత్రీకరణ కోసం రెడీ అవుతున్నాడు. కరోనా బారిన పడటం మరియు అన్నయ్య రమేష్‌ బాబు తిరిగి రాని లోకాలకు వెళ్లడం వంటి కారణాలతో మహేష్ బాబు గత కొన్నాళ్లుగా కాస్త డల్‌ గా కనిపిస్తున్నాడు. మళ్లీ ఆయన చిల్ అవుతూ ఇలా కూతురుతో కనిపించడంతో అభిమానులు ఊపిరి పీల్చుకుంటున్నారు. మహేష్ బాబు సర్కారు వారి పాట చిత్రం షూటింగ్ పునః ప్రారంభం వచ్చే నెలలో మొదలు అయ్యే అవకాశం ఉందని వార్తలు వస్తున్నాయి.