సితార వీడియోతో మహేష్ దీపావళి స్పెషల్ విషెస్..!

దీపావళి సందర్భంగా స్టార్స్ అంతా తమ ఫ్యాన్స్ కి ప్రత్యేకమైన విషెస్ అందిస్తున్నారు. సూపర్ స్టార్ మహేష్ తన సోషల్ మీడియాలో దీపావళి విషెస్ అందించారు. ప్రతి ఒక్కరికి దీపావళి శుభాకాంక్షలు.. జీవితంలో ప్రేమ, వెలుగులు, సంతోషం ఉండాలని కామెంట్ పెట్టారు మహేష్.

కేవలం దీపావళి విష్ మాత్రమే కాదు తన డాటర్ సితార డ్యాన్స్ వీడియోని షేర్ చేశారు మహేష్. క్లాసికల్ డ్యాన్స్ నేర్చుకుంటున్న సితార తన ట్రైనర్ తో కలిసి పండుగ రోజు స్పెషల్ వీడియోతో అలరించారు. శాస్త్రీయ నృత్యం మీద సితారకు స్పెషల్ ఇంట్రెస్ట్ ఉన్నట్టు అర్ధమవుతుంది. అందుకే మహేష్ ఆమె కోరికని కాదనకుండా స్పెషల్ టీచర్ ని పెట్టి ట్రైనింగ్ ఇస్తున్నారట.

సితార కూడా తన సోషల్ మీడియాలో అప్పుడప్పుడు తన డ్యాన్స్ వీడియోలను షేర్ చేస్తుంది. మహేష్ షేర్ చేసిన సితార డ్యాన్స్ వీడియో సోషల్ మీడియాలో వైరల్ గా మారింది. నాన్నకూచి అయిన సితార మహేష్ ఎక్కడకు వెళ్తే అక్కడ ప్రత్యక్షమవుతుంది.

మహేష్ షూటింగ్ కి వెళ్లేప్పుడు తప్ప మిగతా టైం లో సితారతోనే ఎక్కువ టైం స్పెండ్ చేస్తాడని చెప్పొచ్చు. ఈమధ్యనే మహేష్ తో కలిసి సితార జీ తెలుగు షోలను ప్రమోట్ చేసేందుకు వచ్చారు. డ్యాన్స్ ఇండియా డ్యాన్స్ షోతో పాటుగా కొన్ని సీరియల్స్ కోసం కూడా జీ తెలుగులో అలరించారు మహేష్. ఈ ప్రమోషన్స్ కోసం జీ తెలుగు మహేష్ కి ఫ్యాన్సీ ఎమౌంట్ ఇచ్చినట్టు టాక్.

నటన పట్ల కూడా సితారకు ఆసక్తి ఉన్నట్టు అర్ధమవుతుంది. సితార చేసే ప్రతి వీడియోని తన సోషల్ మీడియాలో షేర్ చేస్తూ మురిసిపోతుంటాడు మహేష్. ఈమధ్య మహేష్ నటించిన సర్కారు వారి పాట ఓ సాంగ్ ప్రమోషన్స్ లో సితార కనిపించింది.

సిల్వర్ స్క్రీన్ పై సితార ఎంట్రీ కోసం సూపర్ స్టార్ ఫ్యాన్స్ ఎదురుచూస్తున్నారు. యాక్టింగ్ తో పాటు డ్యాన్స్ లో కూడా పర్ఫెక్ట్ గా ఉండాలని సితారకి చిన్నప్పటినుంచే క్లాసికల్ డ్యాన్స్ నేర్పిస్తున్నారు. ఏది ఏమైనా పండుగ రోజు సూపర్ స్టార్ ఫ్యాన్స్ కి సితార డ్యాన్స్ షో స్పెషల్ ట్రీట్ ఇచ్చింది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.