భార్యకు మహేష్ ఎమోషనల్ విషెస్

తన భార్య పుట్టినరోజు సందర్భంగా మహేష్ బాబు... పుట్టినరోజు శుభాకాంక్షలు తెలియజేశారు. హ్యాపీ బర్త్​ డే ఎన్​ఎస్​జీ అంటే నమ్రత శిరోద్కర్ ఘట్టమనేని. నా కోసం అన్ని పనులను ఒక క్రమ పద్ధతిలో పెడుతున్నందుకు ధన్యవాదాలు. అలాగే నన్ను మరింత ముందుకు నడిపిస్తున్నందుకు ఎప్పుడూ నువ్వు లాగానే ఉన్నందుకు థాంక్స్... అంటూ ఆయన సోషల్ మీడియాలో ఒక నమ్రత ఫోటో షేర్ చేయడమే కాక ఆమెకు శుభాకాంక్షలు తెలియజేశారు.

సెమినా మిస్ ఇండియా టైటిల్ దక్కించుకున్న నమ్రత శిరోద్కర్ తర్వాత హిందీ సినిమాల ద్వారా సినీ రంగ ప్రవేశం చేసింది. ఆ తర్వాత కన్నడ, మలయాళ సినిమాల్లో కూడా నటించి చివరికి మహేష్ బాబు హీరోగా నటించిన వంశీ సినిమాతో టాలీవుడ్ ఎంట్రీ ఇచ్చింది. ఇలా వంశీ సినిమా సెట్స్​లో వీరిద్దరూ కలిసిన తర్వాతే వీరిద్దరికీ ప్రేమ చిగురించింది. సుమారు ఐదేళ్లు ప్రేమించుకున్న వీరిద్దరూ... అతడు షూటింగ్ సమయంలో ముంబైలో వివాహం చేసుకున్నారు. ఆ తరువాత పూర్తిగా సినిమాలకు దూరమైపోయిన ఆమె.. కేవలం మహేష్ బాబు డేట్స్ చూసుకోవడం అలాగే ఆయనకి సంబంధించిన అన్ని విషయాలు చూసుకోవడం మీదే దృష్టి పెట్టింది.

ఇక వీరిద్దరికీ పిల్లలు కూడా జన్మించడంతో వారి ఆలనా పాలన చూసుకుంటూ... తన హీరోయిన్ కెరియర్​కి కూడా గుడ్ బాయ్ చెప్పేసింది. ప్రస్తుతం వారి మీదే ఎక్కువ దృష్టి పెట్టింది. వారు కాస్త ఎదిగి పెద్ద వాళ్ళు అవడంతో ఇప్పుడు మళ్లీ సినీ రంగం మీద దృష్టి పెట్టడమే కాక.. ఘట్టమనేని మహేష్ బాబు ఎంటర్టైన్మెంట్స్ అనే పేరుతో ఏర్పాటు చేసిన బ్యానర్ ద్వారా పలు సినిమాలు నిర్మించేందుకు ఆసక్తి చూపిస్తోంది. ఇప్పటికే మేజర్ అనే సినిమా ద్వారా పాన్​ ఇండియా లెవెల్​లో సినిమా రిలీజ్ చేసిన నమ్రత... ఇప్పుడు మరిన్ని సినిమాలను ఆసక్తికరమైన ప్రాజెక్టులను సెట్ చేసే పనిలో ఉన్నారు.

ఇక మహేష్ బాబుకు సంబంధించిన అన్ని డేట్స్ ఆవిడే చూసుకుంటానన్న సంగతి సినీ పరిశ్రమలో అందరికీ తెలిసిన విషయమే. ప్రస్తుంత మహేశ్ త్రివిక్రమ్ దర్శకత్వంలో ఓ సినిమా చేస్తున్నారు. దాని తర్వాత రాజమౌళి దర్శకత్వంలో సినిమా చేయనున్న సంగతి తెలిసిందే.