దిల్ రాజుపై మహేష్ ఫ్యాన్స్ ట్రాలింగ్

ఇవాళ ఘట్టమనేని అభిమానులను తీవ్ర శోకసంద్రంలో ముంచుతూ నిర్మాత దర్శకురాలు నటి విజయనిర్మల గారు దివికేగడం ఎవరూ జీర్ణించుకోలేకపోతున్నారు. కృష్ణ గారిని ఓదార్చడం ఎవరి వల్ల కావడం లేదు. చాలా ధైర్యంతో ఎప్పుడు చిరునవ్వుతో కనిపించే కృష్ణ గారిని అలా దైన్యంగా చూడలేక అభిమానులు సైతం కన్నీళ్లు పెట్టుకుంటున్నారు.

ఇదిలా ఉండగా రేపు షెడ్యూల్ చేసిన మహర్షి 50 రోజుల వేడుకలు పోస్ట్ పోన్ చేస్తున్నట్టుగా దిల్ రాజు నిర్మాణ సంస్థ శ్రీ వెంకటేశ్వర క్రియేషన్స్ ట్వీట్ చేయడం కొందరు ఫాన్స్ ని ఆగ్రహానికి గురి చేసింది. ఇంత విషాదం జరిగితే క్యాన్సిల్ చేయకుండా పోస్ట్ పోన్ అంటారా అంటూ కామెంట్స్ లో విరుచుకుపడుతున్నారు. మహేష్ బాబు ఈ బాధను దిగమింగుకుని నాన్నను ఓదార్చడానికి కొంత సమయం పడుతుందని పోస్ట్ పోన్ చేసి ఎప్పుడు పెట్టినా అంత సులభంగా తామైనా సంబరాలు ఎలా చేసుకుంటమని ప్రశ్నిస్తున్నారు.

నిజంగా మళ్ళీ చేసే ఉద్దేశంతో పోస్ట్ పోన్ అని పెట్టారా లేక పొరపాటున క్యాన్సిల్ బదులు ఆ పదం వాడారా అనేది తెలియదు కానీ ఇప్పుడిది సోషల్ మీడియాలో టాపిక్ అయిపోయింది. చెప్పాలంటే రద్దు చేయడమే మంచిది. ఎలాగూ పెద్దకర్మ లాంటి కార్యక్రమం పూర్తయ్యే లోపు పది రోజులు దాటేస్తుంది. దాని తర్వాత చేసినా ఫైనల్ రన్ పూర్తి చేసుకున్న మహర్షి మీద ఏమంత ఆసక్తి ఉండదు. ఈ నేపథ్యంలో పూర్తి రద్దు గురించి ఏదైనా ప్రకటన వస్తుందా లేక రెండు మూడు వారాల తర్వాత నిజంగా చేస్తారా వేచి చూడాలి