#ట్విస్టు.. సందీప్ వంగా ద‌ర్శ‌కత్వంలో మ‌హేష్?

సూప‌ర్ స్టార్ మ‌హేష్ ని డైరెక్ట్ చేసేందుకు అర్జున్ రెడ్డి ద‌ర్శ‌కుడు సందీప్ వంగా చేయ‌ని ప్ర‌య‌త్నం లేదు. అత‌డు మ‌హేష్ కోస‌మే ఏడాది పాటు స్క్రిప్టు వ‌ర్క్ చేసాడు. బౌండ్ స్క్రిప్టు వినిపించాడు. కానీ ఎందుక‌నో మ‌హేష్ కి న‌చ్చ‌లేదు. త‌న సెన్సిబిలిటీస్ కి దూరంగా ఉన్న క‌థ‌ను అత‌డు ఎంచుకున్నాడ‌న్న టాక్ వినిపించింది.

ఆ స్క్రిప్టును మ‌హేష్ తిర‌స్క‌రించేయ‌డం అటుపై సందీప్ వంగా బాలీవుడ్ కి వెళ్లి అక్క‌డో యంగ్ హీరోని క‌మిట్ చేయ‌డం తెలిసిన‌దే. టీసిరీస్ నిర్ధేశ‌నంలో ఆ మూవీ చిత్రీక‌ర‌ణ జ‌రుగుతోంది.

యానిమ‌ల్ అనే టైటిల్ ని కూడా ఇటీవ‌ల ప్ర‌కటించారు. ర‌ణ‌బీర్ క‌పూర్ ఈ మూవీలో న‌టించేందుకు ప్రిప‌రేష‌న్స్ లో ఉండ‌గానే క‌రోనా పాజిటివ్ అని తేలింది. ప్ర‌స్తుతం అత‌డు చికిత్స పొందుతున్నారు.

అయితే మ‌హేష్ తో సందీప్ వంగా సినిమా లేదా? అంటే ఇప్పుడే చెప్ప‌లేం. ముందు యానిమ‌ల్ తో అక్క‌డ బంప‌ర్ హిట్టు కొట్టి మ‌హేష్ ని మెప్పించే స్క్రిప్టు రెడీ చేయాల్సి ఉంటుంది.

ఈలోగానే మ‌హేష్ ని ఓ వాణిజ్య ప్ర‌క‌ట‌న కోసం డైరెక్ట్ చేసే అరుదైన ఛాన్స్ సందీప్ వంగాని వ‌రించింది. ఓ పాపుల‌ర్ బ్రాండ్‌ ప్ర‌క‌ట‌న కోసం ఆ ఇద్ద‌రూ క‌లిసి ప‌ని చేయ‌నున్నారు. తాను న‌టించ‌బోయే ఆ ప్ర‌క‌ట‌నకు ద‌ర్శ‌కుడిగా సందీప్ వంగా పేరును మ‌హేష్ సూచించార‌ని తెలిసింది. హైదరాబాద్ లోని ఒక ప్రైవేట్ స్టూడియోలో కమర్షియల్ ప్ర‌క‌ట‌న షూటింగ్ చేయ‌నున్నారు. ఒక రోజులో పూర్త‌వుతుంద‌ని తెలుస్తోంది.