నిర్మాతగా నందమూరి సన్నిహితుడు

యాక్టింగ్ స్టార్ట్ చేసేటపుడు అబ్బాయిలతే హీరో పాత్ర కోసం.. అమ్మాయిలైతే హీరోయిన్ అయిపోయేందుకు కలలు కనడంలో ఎలాంటి ఆశ్చర్యంలేదు. అలాగే ఒక విభాగంలో ఉన్న ప్రతీ వారు.. అదే టెక్నికల్ సెగ్మెంట్ కి చెందిన టాప్ పొజిషన్ చేరుకోవాలని కలలు కంటారు. అసిస్టెంట్స్ గా చేసిన వారు డైరెక్టర్ కావాలని తపన పడ్డం ఎలాంటిదో... ప్రొడక్షన్ వ్యవహారాలు చూసేవారు ప్రొడ్యూసర్ అవాలని కోరుకోవడం అలాంటిదే.

ఆయా నటులకు చెందిన వ్యవహారాలను చూసే పీఆర్వోలు ఇప్పుడు నిర్మాతలుగా మారుతున్నారు. ఇప్పటికే పీఆర్ఓ బీఏ రాజు ఈ విషయంలో ముందుండగా.. ఇప్పుడు మరో పీఆర్ ఓ కూడా నిర్మాత అవతారం ఎత్తుతున్నాడు. నందమూరి కుటుంబానికి బాగా సన్నిహితుడు అనే పేరు ఉన్న మహేష్ కోనేరు.. గతంలోనే ఈస్ట్ కోస్ట్ ప్రొడక్షన్స్ అనే బ్యానర్ ను అనౌన్స్ చేయగా ఇప్పుడు కొత్త సినిమాపై ప్రకటన కూడా వచ్చేసింది.

ముందు నుంచి అనుకున్నట్లుగానే.. జయేంద్ర(180 ఫేమ్) దర్శకత్వంలో కళ్యాణ్ రామ్ హీరోగా.. మహేష్ కోనేరు నిర్మాణంలో సినిమా రూపొందనుంది. నందమూరి కళ్యాణ్ రామ్ బర్త్ డే సందర్భంగా.. మహేష్ కోనేరు ఈ మూవీని అధికారికంగా అనౌన్స్ చేశాడు. పి.సి. శ్రీరాం ఈ చిత్రానికి సినిమాటోగ్రఫీ అందించనుండగా.. శరత్ సంగీతం అందించనున్నాడు.