మ‌హేష్ త‌న పేరే వాడేసుకుంటున్నాడు

పేరులో ఏముంది అంటారు కానీ.. పేరులోనే ఉంది అంతా. సినిమాకు ఏ టైటిల్ పెట్టాలి, క‌థానాయ‌కుడికి పేరేం ఉండాలి అనే విష‌యంలో చాలా జాగ్ర‌త్త‌గా ఉండాలి. ఈ విష‌యంలో ద‌ర్శ‌కులు - ర‌చ‌యిత‌లు చాలా క‌స‌ర‌త్తులే చేస్తుంటారు. హీరోల ఇమేజ్ కు త‌గ్గ‌ట్లు సినిమాల‌కు, వారి పాత్ర‌ల‌కు మంచి పేర్లు పెట్ట‌డానికి బుర్ర‌లు బ‌ద్ద‌లు కొట్టేసుకుంటుంటారు.

ఐతే హీరోల సొంత పేర్ల‌నే క్యారెక్ట‌ర్ కు కూడా పెట్ట‌డం అరుదుగా జ‌రుగుతుంటుంది. అల్లు అర్జున్ ముద్దు పేరు బ‌న్నీని సినిమాకు పేరుగా పెట్ట‌డమే కాక‌.. పాత్ర‌కు కూడా వాడేసుకున్నారు. ఐతే ఇప్పుడు మ‌హేష్ కూడా తొలిసారి త‌న పేరును సినిమా కోసం వాడుకుంటున్న‌ట్లు స‌మాచారం. ఐతే ఇక్క‌డ సినిమా పేరు వేరు. పాత్ర‌కు మాత్ర‌మే మ‌హేష్ పేరు పెడుతున్నారట‌.

మ‌హేష్ కొత్త సినిమా బ్ర‌హ్మోత్స‌వంలో అత‌డి పాత్ర పేరు మ‌హేషే అని యూనిట్ వ‌ర్గాలు చెబుతున్నాయి. ద‌ర్శ‌కుడు శ్రీకాంత్ అడ్డాల ఇష్ట ప్ర‌కారం త‌న పాత్ర‌కు మ‌హేష్ అని పేరు పెట్ట‌డానికి ప‌చ్చ‌జెండా ఊపేశాడ‌ట మ‌హేష్‌. ‘సీత‌మ్మ వాకిట్లో సిరిమ‌ల్లె చెట్టు’ త‌ర్వాత వీళ్లిద్ద‌రి కాంబినేష‌న్ లో వ‌స్తున్న సినిమా ఇది. మ‌హేష్ స‌ర‌స‌న స‌మంత‌ - కాజ‌ల్‌ - ప్ర‌ణీత హీరోయిన్లుగా న‌టిస్తున్న ఈ సినిమా వేస‌వి కానుక‌గా విడుద‌ల కానున్న సంగ‌తి తెలిసిందే.