మహేష్ సినిమాకి కరోనా దెబ్బ పడిందా?

సూపర్ స్టార్ మహేష్ బాబు 'సరిలేరు నీకెవ్వరు' తర్వాత ఏ సినిమా చేస్తారనే విషయంలో చాలా రోజులు సందిగ్దత నెలకొంది కానీ ఈమధ్యే ఫుల్ క్లారిటీ వచ్చేసింది. మహేష్ బాబు సినిమాకు దర్శకత్వం వహిస్తున్న సంగతి పరశురామ్ స్వయంగా వెల్లడించారు. ప్రస్తుతం స్క్రిప్ట్ వర్క్ తో బిజీగా ఉన్నానని చెప్పారు. ఇదిలా ఉంటే ఈ సినిమా గురించి ఓ కొత్త విషయం బైటకు వచ్చింది.

ఈ సినిమా కథ నిజానికి అమెరికా నేపథ్యంలో జరుగుతుందట. స్క్రిప్ట్ ను దానికి తగ్గట్టే తీర్చిదిద్దారట. అయితే కరోనా కారణంగా అమెరికాలో షూటింగ్ సంగతి కొంతకాలం పూర్తిగా మర్చిపోవాల్సిందే. దీంతో ఆ కథను ఇండియన్ నేటివిటీకి మారుస్తున్నారని సమాచారం. దీంతో ముందు ఆనుకున్నదాని కంటే స్క్రిప్ట్ వర్క్ ఎక్కువ సమయం పట్టొచ్చని అంటున్నారు. దీంతో సినిమా సెట్స్ మీదకు వెళ్ళడానికి కూడా టైం పట్టేలా ఉందట. అయితే ఇక్కడ వచ్చిన మరో చిక్కేంటంటే ఆ నేపథ్యం మార్చిన తర్వాత మహేష్ కు మునుపటిలాగే కిక్ ఇస్తుందా లేదా అనేది చూడాలి.

మహేష్ బాబు లాంటి టాప్ లీగ్ స్టార్ సినిమాకు దర్శకత్వం వహించడం పరశురామ్ కు ఇదే ప్రథమం. దానికి తోడు పరశురామ్ సినిమాలలో మాస్ హీరోయిజం ఎలిమెంట్స్ తక్కువే. మరి మహేష్ కోసం ఎలాంటి కథ రెడీ చేశాడు.. హీరోను ఎలా ప్రెజెంట్ చేస్తాడనేది అందరికీ ఆసక్తిని కలిగిస్తోంది.