మ‌హేష్ ప్రాజెక్ట్ సీక్రెట్ బ‌య‌ట‌పెట్టిన జ‌క్క‌న్న‌!

స్టార్ డైరెక్ట‌ర్ రాజ‌మౌళి 'RRR'తో గ్లోబల్ గా భారీ క్రేజ్ ని సొంతం చేసుకున్నారు. రామ్ చ‌ర‌ణ్‌, ఎన్టీఆర్ క‌లిసి తొలిసారి న‌టించిన ఈ భారీ పాన్ ఇండియా మూవీ వ‌ర‌ల్డ్ వైడ్ గా సంచ‌ల‌నం సృష్టించిన విష‌యం తెలిసిందే. ప్రపంచ వ్యాప్తంగా ఐదు భాష‌ల్లో భారీ స్థాయిలో రిలీజ్ అయిన ఈ మూవీ అన్ని చోట్ల మంచి విజ‌యాన్ని ద‌క్కించుకుని ద‌ర్శ‌కుడిగా రాజ‌మౌళికి మంచి పేరు తెచ్చిపెట్టింది. అయితే ఓటీటీ ప్లాట్ ఫామ్ లో రిలీజ్ అయిన త‌రువాతే ఆ క్రేజ్ మ‌రింత‌గా పెరిగింది.

హాలీవుడ్ స్టార్స్‌, టెక్నీషియ‌న్స్ సైతం రాజ‌మౌళిపై ప్ర‌శంస‌ల వ‌ర్షం కురిపించారు. ఇదిలా వుంటే రీసెంట్ గా రాజ‌మౌళి టొరంటో ఇంట‌ర్నేష‌న‌ల్ ఫిల్మ్ ఫెస్టివ‌ల్ లో పాల్గొన్నారు. ఈ సంద‌ర్భంగా అక్క‌డ ప‌లు మీడియా వ‌ర్గాల‌తో ప్ర‌త్యేకంగా ముచ్చటించారు. ఈ సంద‌ర్భంగా మీడియా అడిగిన ప‌లు ప్రశ్న‌ల‌కు ఆస‌క్తిక‌రంగా స్పందించిన రాజ‌మౌళిని నెక్స్ట్ ప్రాజెక్ట్ గురించి కూడా అడ‌గ‌డంతో అస‌లు సీక్రెట్ ని బ‌య‌ట‌పెట్టారు.

'RRR'తో గ్లోబల్ గా భారీ క్రేజ్ ని సొంతం చేసుకుని హాట్ టాపిక్ గా మారిన రాజ‌మౌళి ఈ మూవీ త‌రువాత సూప‌ర్ స్టార్ మ‌హేష్ బాబుతో భారీ ప్రాజెక్ట్ కు శ్రీ‌కారం చుట్ట‌బ ఓతున్న విష‌యం తెలిసిందే. ఆఫ్రీకా అడ‌వుల నేప‌థ్యంలో సాగే యాక్ష‌న్ అడ్వెంచ‌ర్ గా ఈ మూవీని రాజ‌మౌళి అత్యంత భారీ స్థాయిలో ఇంట‌ర్నేష‌న‌ల్ మూవీగా తెర‌పైకి తీసుకురానున్నారంటూ వార్త‌లు వినిపిస్తున్న విష‌యం తెలిసిందే. అయితే ఇంత వ‌ర‌కు ఈ మూవీ జాన‌ర్ ఎంట‌న్న‌ది రాజ‌మౌళి బ‌య‌ట‌పెట్ట‌లేదు.

ర‌చ‌యిత విజ‌యేంద్ర ప్ర‌సాద్ కూడా యాక్ష‌న్ అడ్వెంచ‌ర్ అని చెప్పారు త‌ప్పితే క్లియార్ గా ఈ మూవీ ఏ జాన‌ర్ లో వుండ‌బోతోంద‌న్న‌ది స్ప‌ష్టం చేయలేదు. తాజాగా టొరంటోలో మీడియా అడిగిన ప్ర‌శ్న‌కు రాజ‌మౌళి .. మ‌హేష్ ప్రాజెక్ట్ సీక్రెట్ బ‌య‌ట‌పెట్టేశారు. ఈ మూవీని 'గ్లోబ్ ట్రాటింగ్ యాక్ష‌న్ అడ్వెంచ‌ర్‌' గా చేయ‌బోతున్నాన‌ని క్లారిటీ ఇచ్చారు. అంతే కాకుండా ఈ మూవీని వ‌చ్చే ఏడాది ప్రారంభిస్తున్న‌ట్టుగా వెల్ల‌డించ‌డం విశేషం.

అంతే కాకుండా ఈ మూవీని వ‌ర‌ల్డ్ వైడ్ గా అత్యంత కీల‌కంగా నిలిచే లొకేష‌న్ ల‌లో అత్యంత భారీ స్థాయిలో రూపొందించ‌బోతున్నార‌ట‌. ప్ర‌స్తుతం స్క్రిప్ట్ వ‌ర్క్ చేస్తున్న రాజ‌మౌళి మరో ప‌క్క ప్రీ ప్రొడ‌క్ష‌న్ వ‌ర్క్ ని కూడా మొద‌లు పెట్టిన‌ట్టుగా తెలుస్తోంది. కీర‌వాణి సంగీతం అందించ‌నున్న ఈ మూవీని శ్రీ దుర్గా ఆర్ట్స్ బ్యాన‌ర్ పై నిర్మాత కె. ఎల్‌. నారాయ‌ణ నిర్మించ‌బోతున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.