జంగిల్ బేస్డ్ అడ్వెంచర్ గా 'మహేష్ - రాజమౌళి' ప్రాజెక్ట్..?

సూపర్ స్టార్ మహేష్ బాబు - దర్శకధీరుడు రాజమౌళి కాంబినేషన్ లో ఓ సినిమా రానున్నట్లు లాక్ డౌన్ లోనే క్లారిటీ వచ్చిన సంగతి తెలిసిందే. ప్రస్తుతం వీరిద్దరూ కమిట్ అయిన సినిమాలు పూర్తైన వెంటనే ఈ ప్రాజెక్ట్ సెట్స్ పైకి వెళ్లనుంది. మొదటి సారి కలుస్తున్న ఈ కాంబోపై అభిమానుల్లో అంచనాలు భారీ స్థాయిలో ఉన్నాయి. ఇదే క్రమంలో మహేష్ తో జక్కన్న ఎలాంటి సినిమా చేస్తాడో అనే ఆసక్తి కూడా ఎక్కువైంది. అయితే తాజా సమాచారం ప్రకారం రాజమౌళి తండ్రి విజయేంద్రప్రసాద్ మహేష్ కోసం స్క్రిప్ట్ లాక్ చేసే పనిలో ఉన్నాడని తెలుస్తోంది. ఇటీవల విజయేంద్రప్రసాద్ మాట్లాడుతూ.. మహేష్-రాజమౌళి కాంబో కోసం ఓ జంగిల్ బేస్డ్ అడ్వెంచర్ స్టోరీ రెడీ చేస్తున్నట్లు చెప్పినట్లు సదరు మీడియా వెల్లడించారు.

బాలీవుడ్ మీడియా కథనం ప్రకారం 'ఇప్పుడే దాని గురించి మాట్లాడటం చాలా తొందర అని.. ఆఫ్రికన్ ఫారెస్ట్ అడ్వెంచర్ ప్లేస్ కోసం అన్వేషించడానికి ప్రయత్నిస్తున్నానని.. ఇది ఇంకా ఫైనల్ కాలేదని.. అందరూ స్క్రిప్ట్ ఓకే అనుకున్న తర్వాత సెట్స్ పైకి వెళ్తుందని విజయం8 వెల్లడించినట్లు తెలుస్తోంది. మొత్తం మీద రాజమౌళి - మహేష్ ఇద్దరూ తమ కెరీర్ లోనే కొత్త నేపథ్యంలో సినిమా చేయడానికి ప్రయత్నాలు జరుగుతున్నట్లు అర్థం అవుతోంది. ఈ సినిమాని దుర్గా ఆర్ట్స్ బ్యానర్ పై కే.ఎల్ నారాయణ నిర్మించనున్నారు. ఇదిలావుండగా ప్రస్తుతం రాజమౌళి తెరకెక్కిస్తున్న 'ఆర్.ఆర్.ఆర్' చిత్రం అక్టోబర్ 13న విడుదల కానుంది. మరోవైపు మహేశ్‌ బాబు పరశురామ్‌ దర్శకత్వంలో 'సర్కారు వారి పాట' సినిమా చేస్తున్నాడు.