పిక్ టాక్ : ఫ్యామిలీ బర్త్‌ డే పార్టీ లో మహేష్‌ సూపర్‌ సెల్ఫీ

సూపర్‌ స్టార్‌ మహేష్ బాబు సోషల్‌ మీడియాలో ముఖ్యంగా ఇన్ స్టా లో యాక్టివ్‌ గా ఉండరు. ఆయన ఏదైనా పోస్ట్‌ పెట్టారు అంటే చాలా స్పెషల్‌.. అంతే కాకుండా ఆయన స్టోరీ షేర్ చేశారు అంటే చాలా పెద్ద విషయం. అలాంటిది మహేష్ బాబు ఇన్ స్టా ఫాలోవర్స్ సర్‌ ప్రైజ్‌ అయ్యే విధంగా ఆయన స్టోరీ ని షేర్‌ చేశారు. అది కూడా ఫ్యామిలీ ఫోటోను ఆయన షేర్‌ చేయడంతో వైరల్‌ అయ్యింది.

మహేష్ బాబు షేర్ చేసే ఫోటోల్లో ఎక్కువగా నమ్రత.. గౌతమ్‌ మరియు సితారలు మాత్రమే కనిపిస్తారు. కాని ఈసారి తన సోదరి కుటుంబ సభ్యులతో పాటు తన సోదరుడి కుటుంబ సభ్యులు అంతా కలిసి ఉన్న ఫోటోను షేర్‌ చేయడం జరిగింది. ఆ ఫోటోను స్వయంగా మహేష్ బాబు సెల్ఫీ గా తీసుకోవడంతో ఆ ఫోటో కాస్త మరింత స్పెషల్‌ గా మారిందని అభిమానులు కామెంట్స్ చేస్తున్నారు.

మహేష్‌ బాబు సోదరుడు రమేష్ బాబు తనయుడు అయిన జయకృష్ణ ఘట్టమనేని పుట్టిన రోజు సందర్భంగా ఫ్యామిలీ గెట్ టు గెదర్ జరిగినట్లుగా తెలుస్తోంది. ఈ సూపర్‌ సెల్ఫీ లో మహేష్ బాబుతో పాటు నమ్రత.. సితార.. సుధీర్ బాబు.. మంజుల.. ఇందిర ప్రియదర్శిని తదితర కుటుంబ సభ్యులు ఉన్నారు.

జయకృష్ణ పుట్టిన రోజును మహేష్ బాబు స్వయంగా సెలబ్రేట్‌ చేసినట్లుగా తెలుస్తోంది. ఇటీవలే రమేష్ బాబు మృతి చెందిన విషయం తెల్సిందే. ఫ్యామిలీ ఆ బాధ నుంచి ఇప్పుడిప్పుడే బయటకు వస్తుంది. ఈ బర్త్‌ డే వేడుకలో సూపర్‌ స్టార్‌ కృష్ణ కూడా పాల్గొన్నట్లుగా సినీ వర్గాల ద్వారా తెలుస్తోంది.

మొత్తానికి మహేష్ బాబు ఇలా ఫ్యామిలీతో సెల్ఫీ లో కనిపించడం తో ఈ ఫోటోను అభిమానులు చాలా స్పెషల్‌ గా చూస్తున్నారు. ఇక మహేష్ సినిమాల విషయానికి వస్తే సర్కారు వారి పాట సక్సెస్‌ మూడ్ లోనే ఇంకా ఉన్నాడు.

అతి త్వరలోనే త్రివిక్రమ్‌ దర్శకత్వంలో సినిమాలో జాయిన్‌ అవ్వబోతున్నాడు. ఈ ఏడాది చివర్లో లేదా వచ్చే ఏడాదిలో రాజమౌళి సినిమా కూడా మొదలు అయ్యే అవకాశాలు ఉన్నాయి.