మహేష్‌-త్రివిక్రమ్‌ మూవీ.. కేజీఎఫ్ తో లింక్‌ !!

సూపర్ స్టార్‌ మహేష్ బాబు హీరోగా త్రివిక్రమ్‌ దర్శకత్వంలో సినిమా కోసం అభిమానులు పుష్కర కాలంగా వెయిట్‌ చేస్తున్నారు. అతడు మరియు ఖలేజా సినిమాల తర్వాత వీరిద్దరు చేసిందే లేదు. మంచి స్నేహితులుగా గుర్తింపు దక్కించుకున్న వీరిద్దరు ఆ తర్వాత సినిమా చేసేందుకు ప్రయత్నించినా కూడా వర్కౌట్‌ అవ్వలేదు.

ఎట్టకేలకు వీరిద్దరి కాంబో లో సినిమా కు అంతా రెడీ అయ్యింది. ఇప్పటికే ఒక షెడ్యూల్‌ కూడా షూటింగ్ ను ముగించారు. రెండవ షెడ్యూల్‌ ను ప్రారంభించాల్సి ఉన్నా కూడా మహేష్ బాబు మాతృ మూర్తి గారు అయిన ఇందిరా దేవి గారు మృతి చెందడం వల్ల షూటింగ్ ఆలస్యం అవుతుంది.

ఇక మహేష్ బాబు త్రివిక్రమ్‌ సినిమా పై అంచనాలు భారీగా పెరుగుతూనే ఉన్నాయి. ఈ సినిమాలో విలన్‌ పాత్రను బాలీవుడ్‌ స్టార్‌ తో చేయించబోతున్నారు అంటూ గత కొన్ని రోజులుగా వార్తలు వస్తూనే ఉన్నాయి. ఆ బాలీవుడ్‌ విలన్ ఎవరు అనే విషయమై దాదాపుగా కన్ఫర్మ్‌ అయ్యింది. కేజీఎఫ్ 2 లో కీలకమైన పాత్రలో కనిపించిన సంజయ్ దత్‌ ఈ సినిమా లో నటించబోతున్నాడట.

సౌత్‌ నార్త్‌ అనే తేడా లేకుండా సంజయ్ దత్ సినిమాలకు కమిట్‌ అవుతున్నాడు. ముఖ్యంగా సౌత్‌ సినిమాల్లో ఈయన ఎక్కువగా నటించేందుకు ఆసక్తి చూపిస్తున్నాడు అంటూ కామెంట్స్ వస్తున్నాయి. ఆ విషయంలో నిజం ఎంతో కానీ మహేష్ బాబు.. త్రివిక్రమ్‌ కాంబో సినిమాలో ఈయన నటించడం దాదాపుగా కన్ఫర్మ్‌ అంటూ ఇండస్ట్రీ వర్గాల వారు అంటున్నారు.

మహేష్ బాబుకు జోడీగా పూజా హెగ్డే హీరోయిన్‌ గా నటిస్తున్న విషయం తెల్సిందే. అంతే కాకుండా ఈ సినిమా లో కీలక పాత్రలో సీనియర్‌ నటి ఒకరు కనిపించబోతున్నట్లుగా తెలుస్తోంది. త్రివిక్రమ్‌ తన కథకు.. పాత్రలకు నటీనటులను ఎంపిక చేసుకునే విధంగా చాలా వైవిధ్యభరితంగా ఉంటుంది. కనుక సంజయ్ దత్ ఎంపిక అందరినీ ఆకట్టుకుంటుందనే చెప్పాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.