'మహేష్-పరశురామ్'ల మూవీ స్క్రిప్ట్ ఇంకా పూర్తికాలేదా..?

టాలీవుడ్ సూపర్ స్టార్ మహేష్ బాబు ఈ ఏడాదిని 'సరిలేరు నీకెవ్వరూ’ బ్లాక్‌ బస్టర్ హిట్ తో ప్రారంభించాడు. ఈ సినిమా వచ్చి ఇప్పటికి మూడు నెలలు గడుస్తున్నా తదుపరి ప్రాజెక్ట్ గురించి మహేష్ ఎటువంటి ప్రకటన చేయలేదు. ప్రస్తుతం లాక్ డౌన్ కారణంగా ఇంటికే పరిమితమైన మహేష్ బాబు అనుకోకుండా వచ్చిన హాలిడేస్ ఫ్యామిలీతో ఎంజాయ్ చేస్తున్నాడు. డైలీ పిల్లలతో ఆడుకుంటూ తనకు దొరికిన సమయాన్ని ఎంజాయ్ చేస్తున్నారు. మహేష్ తన కెరీర్లో 27వ చిత్రంగా తెరకెక్కబోతున్న తదుపరి సినిమాకు 'గీతగోవిందం' ఫేమ్ పరశురామ్ దర్శకత్వం వహించబోతున్నాడు. గత కొన్ని రోజులుగా ఈ సినిమాకి సంబంధించిన అధికారిక ప్రకటన మే 31న మహేష్ బాబు తండ్రి కృష్ణ బర్త్ డే సందర్భంగా వెల్లడిస్తారని వార్తలు వినిపిస్తున్నాయి.

దేశ వ్యాప్తంగా కరోనా కారణంగా ప్రజలు ఇబ్బందులు పడుతున్న ఈ తరుణంలో సినిమా అనౌన్స్ చేయడం కరెక్ట్ కాదని సూపర్ స్టార్ భావిస్తున్నట్లు తెలుస్తుంది. ఒకవేళ మే 31 తేదీకి కరోనా నియంత్రించినా ఈ ప్రాజెక్ట్ కి సంబంధించి ఒక వార్త ప్రస్తుతం సోషల్ మీడియాలో హల్చల్ చేస్తోంది. మహేష్ పరశురామ్ కాంబినేషన్లో రానున్న ఈ సినిమా స్క్రిప్ట్ లో భాగంగా పరశురామ్ ఒక లాంగ్ షెడ్యూల్ అమెరికాలో సెట్ చేశారట. అయితే ప్రస్తుత కరోనా పరిస్థితులకు దృష్టిలో పెట్టుకొని అమెరికా షెడ్యూల్ నిలిపేసి ఇండియాలోనే తగిన లొకేషన్స్ చూసి వాటికి అనుగుణంగా స్క్రిప్ట్ లో మార్పులు చేయిమని మహేష్ సలహా ఇచ్చినట్లు సమాచారం. అయితే ప్రస్తుతం పరశురామ్ ఆ పనిలోనే ఉన్నాడట. చూడాలి మరి త్వరలో ఏదైనా అధికారిక ప్రకటన రానుందేమో.. ఇక ఈ మూవీని 14 రీల్స్ ఎనెర్టైన్మెంట్స్, మైత్రి మూవీ మేకర్స్ మరియు జిఎంబి ఎంటర్టైన్మెంట్ సంయుక్తంగా నిర్మించనున్నాయి.