రత్నం-రెహమాన్.. మైమరపించేశారు!

కాట్రు వెలియిదాయ్.. దిగ్గజ దర్శకుడు మణిరత్నం రూపొందిస్తున్న లేటెస్ట్ మూవీ. మద్రాస్ టాకీస్ బ్యానర్ పై స్వయంగా నిర్మిస్తున్నారు మణిరత్నం. కార్తి-అదితి రావు హైదరి జంటగా నటించిన ఈ చిత్రం అంచనాలను రోజురోజుకూ పెంచేస్తున్నారు మణిరత్నం. తెలుగులో ఈ చిత్రం చెలియా అనే టైటిల్ పై విడుదల కానుండగా.. దిల్ రాజు నిర్మిస్తున్నారు.

ఫస్ట్ లుక్.. టీజర్ లతో ఇప్పటికే చెలియా అందరినీ ఆకట్టుకోగా.. ఇప్పుడు 'మైమరుపా' అంటా సాంగ్ ప్రోమోను రిలీజ్ చేశారు. నిమిషం పాటు ఉన్న ఈ సాంగ్ ప్రోమో.. కంప్లీట్ గా మణిరత్నం స్టైల్ లోనే సాగుతుంది. విజువల్స్ విషయంలో తన టేస్ట్ ఏంటో మరోసారి చూపించారు మణి సార్. మొత్తం మంచు కొండల్లోనే సాగిన ఈ పాటను.. రొమాంటిక్ టచ్ తో నింపేశారు. పాట విజువల్ గా ఎంత బాగుందో.. ఏఆర్ రెహమాన్ అందించిన మ్యూజిక్ అంతకు మించి ప్రాణం పోసేసింది. హీరో కార్తి విభిన్నమైన గెటప్ తో ఆకట్టుకోగా.. హీరోయిన్ అదితిరావు అందరినీ కట్టిపడేయడం ఖాయం.

రవి వర్మన్ అందించిన సినిమాటోగ్రఫీని ఎంత ప్రశంసించినా తక్కువే అని చెప్పాలి. చివరగా మంచులో కప్పేసిన కార్ లో ఒకే సీట్లో ఉన్న జంటను.. విండ్ షీల్డ్స్ తో మంచు తుడుస్తూ చూపించిన విజువల్.. మణిరత్నం టేస్ట్ ను చెప్పేందుకు బెస్ట్ ఎగ్జాంపుల్.



Like Us on Facebook : https://www.facebook.com/Tupakidotcom/