ఎమోషన్స్ తోనే మార్కులు కొట్టేస్తున్నాడు

ఇవాళ విడుదలైన మజిలీ గత నాగ చైతన్య సినిమాల కంటే చాలా పాజిటివ్ టాక్ తో ఓపెన్ అయ్యింది. నెగటివ్ రిమార్క్స్ ఎక్కువ లేకుండా రివ్యూస్ రావడంతో యూనిట్ కూడా హ్యాపీగా ఉంది. క్రెడిట్ లో అధిక శాతం శివ నిర్వాణకే వెళ్లిపోతోంది. పెద్దగా కొత్తదనం లేని కథలలో బరువైన ఎమోషన్స్ ని కలం బలంతో నిలబెడుతున్న తీరు ఫ్యామిలి ఆడియెన్స్ ని దగ్గర చేస్తున్నాయి.

నానితో చేసిన నిన్ను కోరిలో హం దిల్ దే చుక్ సనమ్ లైన్ ని టచ్ చేసిన శివ ఈసారి మౌనరాగం థీమ్ ని రివర్స్ లో వాడుకుని మంచి ఫలితాన్ని అందుకున్నాడు. నిజ జీవితంలో భార్యాభర్తలైన సామ్ చైతులు ఆన్ స్క్రీన్ మీద విభిన్నమైన కెమిస్ట్రీని పండించడం ప్రేక్షకులను ఆకట్టుకుంటోంది. ఇప్పుడు మజిలీ ఏ స్థాయి సక్సెస్ చెప్పడం కష్టం కానీ క్రౌడ్ ని ఫుల్ చేస్తోంది మాత్రం ఈ ఫ్యాక్టరే.

ఇప్పుడు వరసల సెలవులను వాడుకోవడం మజిలీ చేతిలో ఉంది. పోటీ లేదు. ఉన్న ఒక్క హిందీ సినిమా రోమియో అక్బర్ వాల్టర్ చేతులు ఎత్తేసింది. సింగల్ రేటింగ్ రివ్యూస్ వచ్చాయి. సో నో టెన్షన్. ఇంగ్లీష్ మూవీ షాజామ్ ఎఫెక్ట్ చూపించేంత సీన్ లేదు. సో వీకెండ్ మొత్తం మజిలీ కంట్రోల్ లోనే ఉంటుంది.

ఒకవేళ ఇదే టాక్ ని ఇలాగే నిలబెట్టుకుంటే వీక్ డేస్ లో సైతం మంచి ఫిగర్స్ నమోదు చేయొచ్చు. మూడు రోజులు హాలిడేస్ కావడంతో పాటు ఉగాది పండగ కావడంతో ఊళ్ళకు వెళ్లిన వాళ్లకు సైతం మజిలీ ఒక్కటే ఛాయస్ గా నిలుస్తోంది. ఇప్పుడీ అవకాశాన్ని ఎంత వరకు వాడుకుంటారు అనే దాన్ని బట్టి మజిలీ రేంజ్ పెరగడమా తగ్గడమా ఆధారపడి ఉంటుంది