ప్రేమ‌మ్ రీమేక్‌.. ఫుల్ క్లారిటీ రేపే

రెండు మూడు నెల‌లుగా టాలీవుడ్ లో చ‌ర్చ‌నీయాంశ‌మ‌వుతున్న సినిమా ఆరంభోత్స‌వానికి రంగం సిద్ధ‌మైంది. కార్తికేయ లాంటి సెన్సేష‌న‌ల్ మూవీతో ద‌ర్శ‌కుడిగా అరంగేట్రం చేసిన చందూ మొండేటి ద‌ర్శ‌క‌త్వంలో నాగ‌చైత‌న్య హీరోగా తెర‌కెక్క‌బోతున్న ‘ప్రేమ‌మ్’ రీమేక్ ‘మ‌జ్ను’ బుధ‌వారం ముహూర్త కార్య‌క్ర‌మంతో లాంఛ‌నంగా మొద‌లుకానుంది. ఈ సినిమాలో చైతూ స‌ర‌స‌న న‌టించ‌బోయే హీరోయిన్లు - గెస్ట్ రోల్స్ చేయ‌బోయే స్టార్ హీరోల గురించి ఇటీవ‌లి కాలంలో విప‌రీత‌మైన చ‌ర్చ జ‌రిగింది. అనేక రూమ‌ర్లు వినిపించాయి. బుధ‌వారం అన్ని విష‌యాల‌పై క్లారిటీ రాబోతోంది.

ప్రారంభోత్స‌వం అనంత‌రం సినిమాకు సంబంధించిన విశేషాల‌న్నింటినీ చిత్ర బృందం వెల్ల‌డించ‌నుంది. మ‌ల‌యాళంలో అనుప‌మ ప‌ర‌మేశ్వ‌ర‌న్ పోషించిన పాత్ర‌ను తెలుగులోనూ ఆమే చేయ‌నుండ‌గా.. ప‌ల్ల‌వి చేసిన లెక్చ‌ర‌ర్ పాత్ర‌లో శ్రుతి క‌నిపించ‌నుంది. ఐతే హీరో ఫైన‌ల్ గా పెళ్లి చేసుకునే పాత్ర‌ను తెలుగులో ఎవ‌రు చేస్తార‌న్న విష‌యంలో స‌స్పెన్స్ న‌డుస్తోంది. ఈ పాత్రలో ర‌కుల్ లేదా నిత్య మీన‌న్ న‌టించొచ్చ‌ని అంటున్నారు. మ‌రోవైపు నాగ్‌ - వెంకీ గెస్ట్ రోల్స్ విష‌యంలోనూ క్లారిటీ రావాల్సి ఉంది. సంగీత ద‌ర్శ‌కుడిని కూడా ముహూర్తం రోజే ప్ర‌క‌టించ‌బోతున్నారు. ఈ చిత్రాన్ని జులాయి - సన్నాఫ్ స‌త్య‌మూర్తి ఫేమ్ రాధాకృష్ణ నిర్మించ‌బోతున్న సంగ‌తి తెలిసిందే.