టీజర్ పై అంచనాలు పెంచేస్తున్న మేజర్..!

టాలీవుడ్ యువహీరో అడవి శేష్.. ప్రస్తుతం మేజర్ సందీప్ ఉన్నికృష్ణన్ జీవితం ఆధారంగా తెరకెక్కుతున్న బయోపిక్ 'మేజర్' సినిమాలో నటిస్తున్నాడు. ఈ సినిమాలో శేష్ టైటిల్ రోల్ మేజర్ ఉన్నికృష్ణన్ పాత్రలో కనిపించనున్నాడు. అయితే ద్విభాషాచిత్రంగా రూపొందుతున్న మేజర్ సినిమా తెలుగు, హిందీ భాషల్లో విడుదల కాబోతుంది. ఈ మధ్యకాలంలో టాలీవుడ్ హీరోలు ఒక్కొక్కరుగా వేరే ఇండస్ట్రీలో మార్కెట్ సంపాదించుకునే ప్రయత్నం చేస్తున్నారు. ఇప్పుడు శేష్ కూడా మేజర్ సినిమాతో అటు బాలీవుడ్ లో తనకంటూ మార్కెట్ క్రియేట్ చేసుకునే ఆలోచనలో ఉన్నాడు. ఇదివరకే ఇది కేవలం ద్విభాషాచిత్రం కాదు. మేజర్ అనేది నా దృష్టిలో పాన్ ఇండియా సినిమా అంటూ చెప్పుకొచ్చాడు శేష్.

జులై 2న విడుదల కాబోతున్న ఈ మేజర్ సినిమా బయోపిక్ పై శేష్ అండ్ చిత్రయూనిట్ చాలా నమ్మకంగా ఉన్నారు. శేష్ ఈ సినిమాలో నటించడమే కాకుండా స్క్రిప్ట్ పనుల్లో కూడా భాగస్వామ్యం అయ్యాడు. ఇటీవలే మేజర్ సినిమా టీజర్ ఏప్రిల్ 12న రిలీజ్ చేయనున్నట్లు ప్రకటించిన విషయం విదితమే. మేజర్ నుండి ఇప్పటివరకు విడుదలైన అప్డేట్స్ అన్నికూడా సినిమా పై భారీ అంచనాలను క్రియేట్ చేసాయి. అయితే ఇటీవలే శోభిత ధూళిపాళ, సాయిమంజ్రేకర్ ఫస్ట్ లను విడుదల చేసింది బృందం. ఇప్పుడు ఏకంగా టీజర్ రాబోతుండటంతో ఎలా ఉండబోతుందనే ఆసక్తి అందరిలో పెరిగింది. తాజా సమాచారం ప్రకారం.. మేజర్ సినిమా టీజర్ చాలా ఎమోషనల్ అండ్ హార్ట్ టచింగ్ గా ఉండబోతుందట. సినిమాను శశి కిరణ్ డైరెక్ట్ చేస్తున్నాడు. చూడాలి మరి ఏప్రిల్ 12న సాయంత్రం 4:05 గంటలకు ఎలా ఉండబోతుందో చూడాలి.