నీకేమో అంద‌మెక్కువ.. నాకేమో తొందరెక్కువ!

శ్రుతికి అందం ఎక్కువ‌.. చిరుకి తొంద‌రెక్కువ‌!.. అవునా ఇది నిజ‌మా? ప‌రాచిక‌మా? అనొద్దు! 60 ప్ల‌స్ లోను 35 ఏజ్ శ్రుతిహాస‌న్ తో మెగాస్టార్ రొమాన్స్ ఒక రేంజులో ఉంది మ‌రి. బాస్ 30 ఏళ్ల బాల‌కుడిగా మారిపోయి అంద‌మైన అమ్మాయితో రొమాన్స్ చేస్తుంటే దానికి మెగాభిమానులు గిల్టీ ఫీల‌వ్వ‌క‌పోగా దానిని ఆరాంగా ఆస్వాధిస్తున్నారు. అయినా ఏజ్ తో ప‌నేం ఉంది మ‌న‌సుండాలే కానీ! అంటూ స‌ర్ధి చెప్పుకుంటున్నారు.

నిజానికి మెగాస్టార్ లో ఏజ్ ఎప్పుడూ క‌నిపించ‌దు. ఆయ‌న‌లో ఎన‌ర్జీ జోష్ ముందు అవ‌న్నీ బ‌లాదూర్. ఇప్పుడు ఏకంగా ముఠామేస్త్రి- రౌడీ అల్లుడు- గ్యాంగ్ లీడ‌ర్ కాలానికి అత‌డి రూపం షిఫ్ట‌యింది. అంత‌గా మేకోవ‌ర్ కోసం జిమ్ లో చాలా శ్ర‌మించారు. వాల్తేరు వీర‌య్య‌గా ఆయ‌న‌లోని ఎన‌ర్జీ గ్రేస్ ఛామ్ చూసిన వారికి ఆ విష‌యం అర్థ‌మ‌వుతోంది. వాల్తేరు వీరయ్యపై రోజురోజుకూ అంచనాలు పెరిగిపోతున్న‌ తీరు చూస్తుంటే 'బాస్ ఈజ్ బ్యాక్' అని అభిమానులు ఖుషీ అయిపోతున్నారు.

మ‌రోరెండు రోజుల్లో ట్రైలర్ విడుద‌ల కానుంది. ఇంత‌లోనే 5వ పాటను కూడా విడుదల చేసేందుకు స‌న్నాహ‌కాల్లో ఉన్నారు. ''నీకేమో అందం ఎక్కువ.. నాకేమో తొందర ఎక్కువ'' అనే ఒక అంద‌మైన డ్యూయెట్ ని ఫ్రాన్స్‌- టౌలాన్ లోని సుందరమైన ప్రదేశాలలో చిత్రీకరించారు.

వాల్టెయిర్ వీరయ్య నుంచి 5వ పాట ఇది. మైనస్ డిగ్రీల చ‌లిలోను ఎంతో శ్ర‌మించి ఈ పాట‌ను తెర‌కెక్కించార‌ని మెగాస్టార్ చిరంజీవి స్వ‌యంగా వెల్ల‌డించారు. నిర్మాతలు మేకింగ్-వీడియో విడుదల చేయగా ఈ పాటలోని పెప్సీ డ్యాన్స్ మూవ్స్ శ్రుతితో చిరు రొమాంటిక్ టింజ్ మెగాభిమానుల గుండెల్ని ట‌చ్ చేయ‌డం ఖాయంగా క‌నిపిస్తోంది. ఈ పాట లో శ్రుతి హాసన్ చాలా ఈజ్ తో డ్యాన్స్ చేస్తోంద‌ని విజువ‌ల్స్ చెబుతున్నాయి. ఈ సాంగ్ లో శ్రుతి పొట్టి స్క‌ర్టులో మెరుపులు మెరిపిస్తోంది.

ఈ ఐదో పాట మేకింగ్ వీడియోకి మెగాస్టార్ స్వ‌యంగా త‌న స్వ‌రాన్ని అందించ‌డం కూడా అద‌న‌పు కిక్కును ఇస్తోంది. ఖైదీ నంబర్ 150 త‌ర‌హాలోనే మ‌రోసారి యువ‌నాయిక‌తో రొమాన్స్ అద‌ర‌గొట్టేయ‌బోతున్నారు బాస్. అప్ప‌ట్లో కూతురు వ‌య‌సున్న కాజ‌ల్ మెగాస్టార్ చిరంజీవి స‌ర‌స‌న న‌టించ‌డ‌మేమిటీ? అంటూ విమ‌ర్శించిన వాళ్లున్నారు.

ఆ త‌ర్వాత ఖైదీనంబ‌ర్ 150 విడుద‌ల త‌ర్వాత అదే విమ‌ర్శ‌కులు ఆలోచ‌న మార్చుకున్నారు. కాజ‌ల్ తో అంత డిగ్నిఫైడ్ గా ఎక్క‌డా బ్యాలెన్స్ చెడ‌కుండా మెగాస్టార్ పాత్ర‌ను తీర్చిదిద్దారు. రొమాన్స్ లో హ‌ద్దులు దాట‌కుండా ఎంతో పెప్పీగాను ఆ సినిమాలో పాట‌ల‌ను రూపొందించారు. ఇప్పుడు కూడా బాబి ద‌ర్శ‌క‌త్వంలోని వాల్తేరు వీర‌య్య‌లో చిరు మాస్ పాత్ర అయినా అంతే డిగ్నిఫైడ్ గా యువ‌క‌థానాయిక‌తో క‌లిసి న‌టించార‌ని అర్థ‌మ‌వుతోంది. ఏది ఏమైనా తగ్గిన వ‌య‌సుతో చిరు మ‌రింత జోష్ తో క‌నిపిస్తున్నారు. వీర‌య్య‌ సంక్రాంతి బ‌రిలో దుమ్ము రేప‌డం ఖాయం గా క‌నిపిస్తోంది



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.