మేకింగ్ ఆఫ్ సర్దార్.. గన్స్ అండ్ స్టైల్

పవర్ స్టార్ పవన్ కళ్యాణ్ మూవీ సర్దార్ గబ్బర్ సింగ్ షూటింగ్ శరవేగంగా జరుగుతోందని అందరికీ తెలుసు. ఏప్రిల్ 8న విడుదల చేయడం కోసం రెండు - మూడు - ఐదు యూనిట్లుగా పని చేస్తున్నారనే వార్తలు కూడా వస్తున్నాయంటున్నారు. మరి ఇప్పటివరకూ సర్దార్ కి సంబంధించిన ఒక్క సీన్ కి సంబంధించిన వివరాలు కూడా ఎవరికీ తెలియవు. పవన్ నడుచుకుంటూ రావడం తప్ప.. ఇప్పటివరకూ ఒక్క సన్నివేశం కూడా బయటకు పొక్కలేదుయ మరి సర్దార్ ఎలా ఉండబోతున్నాడు?

ఈ ప్రశ్నకు ఇప్పుడు సమాధానం దొరికేసింది. రిలీజ్ కు మరో నెల రోజుల గడువు ఉండగానే.. సర్దార్ గబ్బర్ సింగ్ ప్రమోషన్స్ స్టార్ట్ చేసేశారు. ఇందులో భాగంగా ఈ మూవీ మేకింగ్ వీడియోను యూనిట్ రిలీజ్ చేసింది. మేకింగ్ ఆఫ్ సర్దార్ గబ్బర్ సింగ్ అంటూ విడుదల చేసిన ఈ వీడియోలో పవన్ కళ్యాణ్ స్టైల్ - గన్నులు - భారీ సెట్లు - ఫైట్లు - హీరోయిన్ కాజల్ - డైరెక్టర్ బాబీ.. ఇలా ఒకటేంటి, వీడియో కనిపించే ప్రతీ సెకన్ మెస్మరైజింగ్ గా ఉంది.

ముఖ్యంగా గన్నులతో పవన్ కళ్యాణ్ స్టైల్ అయితే అదరహో అనాల్సిందే. ఇప్పటివరకూ సర్దార్ గబ్బర్ సింగ్ రిలీజ్ పై ఏమన్నా డౌట్స్ ఉన్నా.. ఇప్పుడీ మేకింగ్ వీడియోతో అన్నీ పటాపంచలు అయిపోయినట్లే. దేవిశ్రీ ప్రసాద్ సర్దార్ కోసం ఇస్తున్న మ్యూజిక్.. మూవీకి హైలైట్ అవుతుందనే అంచనాలున్నాయి.