టైటిల్ సాంగ్ కోసం లెక్క చేయలేదట

రణవీర్ సింగ్.. వాణికపూర్ జంటగా నటించిన బేఫికర్ మూవీ వచ్చే నెల 9న విడుదల కానుంది. కొన్ని నెలల ముందే లిప్ లాక్ పోస్టర్లతో ఈ మూవీకి ప్రమోషన్స్ స్టార్ట్ చేయగా.. ఇప్పుడు సాంగ్స్ కూడా వరుసగా రిలీజ్ చేస్తూ.. ప్రచారంలో జోరు పెంచారు. రీసెంట్ గా 'ఉడే దిల్ బేఫికరే' అంటూ సాగే టైటిల్ సాంగ్ విడుదల కాగా.. ఇప్పటికే ఈ పాటకు 90 లక్షలకు పైగా వ్యూస్ వచ్చాయంటే.. సాంగ్ ఏ రేంజ్ లో సక్సెస్ అయిందో అర్ధమవుతుంది.

ఇప్పుడు ఈ బేఫికరే టైటిల్ సాంగ్ కు మేకింగ్ వీడియోను కూడా రిలీజ్ చేశారు. పూర్తిగా పారిస్ రోడ్లపైనే ఈ సాంగ్ షూటింగ్ జరుపుకోగా.. హీరో హీరోయిన్స్ ఇద్దరూ బోలెడంత బోల్డ్ గా నటించాల్సి వస్తుంది. ఒకే ఏరియాలో 8 సెట్స్ వేసి షూటింగ్ చేశారట. వర్షం పడే పరిస్థితుల్లోనే షూటింగ్ ఆపకుండా చేశామని చెబుతున్నారు యూనిట్. కొంతవరకూ డే టైం షూటింగ్ అయినా.. కొన్ని సన్నివేశాలు రాత్రి చల్లబడ్డాక షూట్ చేయాల్సి వచ్చిందట. పగలే వణికిపోయే పరిస్థితుల్లో.. రాత్రిపూట గజగజలాడిపోయేవారట. మీకు చలెయ్యడం లేదా అని వందలమంది అడిగేవారని చెబుతోంది యూనిట్.

పడిన కష్టం సంగతేమో కానీ.. మూవీలో కండిషన్స్ లేని ప్రేమను చూపించే పాట.. బేఫికర్ మూవీకి బ్యాక్ బోన్ గా నిలిచే అవకాశాలు కనిపిస్తున్నాయి. సినిమా కూడా ఇదే జోష్ లో ఉంటే మాత్రం.. యష్ రాజ్ ఫిలింస్ బ్యానర్ కి మరో బ్లాక్ బస్టర్ వచ్చేసినట్లే.





Like Us on Facebook : https://www.facebook.com/Tupakidotcom/