మధురవాణి అలా తయారైంది

అలనాటి హీరోయిన్ సావిత్రి జీవిత గాధగా తెరకెక్కిన మహానటి సినిమా ఇప్పుడు బాక్స్ ఆఫీస్ దగ్గర సంచలనాలు సృష్టిస్తోంది. ఇందులో సావిత్రిగా కీర్తి సురేష్ ఆమోఘంగా నటిస్తే - సమంత కూడా మధురవణిగా మన మనసుల్లో చోటు సంపాదించింది. మహానటి సినిమాలో మధురవాణి పాత్ర కూడా కీలకమైనదే. ఇంతకీ సమంత మధురవాణి గా ఎలా మారింది?

సమంత జర్నలిస్టు పాత్రలో కనిపిస్తుంది అని తెలియగానే పెద్దగా ఎవరు ఏమి అనుకోలేదు. కానీ సినిమా చూశాక ఆమె గురించి కూడా మాట్లాడటం మొదలుపెట్టారు. అంతగా ఆ పాత్రను సృష్టించింది సమంత. మరి మధురవాణి పాత్రలోకి అంతగా ఒడిగిపోవడానికి వెనక ఎం జరిగిందో తెలియచేస్తూ ఇప్పుడు ఒక వీడియో సోషల్ మీడియా లో హల్ చల్ చేస్తోంది. అదేనండి.. మధురవాణి మేకింగ్ వీడియో గా విడుదల అయిన ఒకటిన్నర నిమిషం గడువుగల ఈ వీడియో ఇప్పుడు అందరి దృష్టిని ఆకర్షిస్తోంది.

ఆ వీడియో అంతా రకరకాల దుస్తులలో సమంత కెమెరా కు పోజ్ ఇస్తూ కనిపించింది. అంతేకాదు కెమెరా వెనక మధురవాణి గా మేకప్ - కళ్ళద్దాలు పెట్టుకోవడం - ఇలా అన్ని చూపించారు. ఫైనల్ గా మధురవాణి "ప్రాబ్లెమ్ ఉంది సార్, ఆరునెలలుగా ఒక్క మంచి కథ ఇవ్వలేదు. ఇదే లాస్ట్ ఛాన్స్ పెళ్ళికిముందు ఒక మంచి కథ రాయడానికి" అంటూ నత్తి నత్తిగా చెప్తున్న సీన్ తో ముగిసింది. మొత్తానికి ఈ మేకింగ్ వీడియోను ఇప్పుడు నెటిజన్లు తెగ షేర్ చేస్తున్నారు. ఒకవేళ మీరింకా చూడకపోతే ఒకసారి లుక్కేయండి.