ఫోటో స్టోరీ: మలైకా.. అర్జున్ చెట్టాపట్టాల్!

బాలీవుడ్ వార్తలు ఫాలో అయ్యేవారికి మలైకా అరోరా గురించి తెలియకుండా ఉండదు. అర్జున్-మలైకాయణం కూడా తెలియకుండా ఉండదు. 45+ ఏళ్ళ బ్యూటీ ఇలా ఇరవైల అమ్మాయిల తరహాలో కనిపించడం సాధారణమైన విషయమేమీ కాదు. టీనేజ్ కుమారుడు ఉన్నప్పటికీ ఇప్పుడు కూడా సంతూర్ సోప్ అడ్వర్టైజ్మెంట్ కు వందశాతం కరెక్ట్ మోడల్ లాగా కనిపిస్తుంది. ఈ భామ బాలీవుడ్ లో ఎక్కడ పార్టీ జరిగినా అక్కడ ప్రత్యక్షం అవుతూ ఉంటుంది.

రీసెంట్ గా ముంబైలో ఒక పార్టీ జరిగిది. ఆ పార్టీకి తన క్రేజీ బాయ్ ఫ్రెండ్ అర్జున్ కపూర్ తో కలిసి ఉత్సాహంగా హాజరైంది. ఇక ఫోటోగ్రాఫర్లు ఊరుకుంటారా చెప్పండి? ఎడాపెడా ఫోటోలు తీసి ఆ ఫోటోలను సోషల్ మీడియాలో అప్లోడ్ చేశారు. బ్లాక్ ప్యాంట్.. వైట్ టాప్ ధరించింది. బటన్స్ పెట్టుకోకుండా పైన ఒక జాకెట్ వేసుకుంది. మెడలో ఓ వైట్ నెక్లెస్ ధరించింది. చేతిలో ఒక పెద్ద బ్లాక్ కలర్ బ్యాగ్ పట్టుకుంది. హై హీల్స్ తో తనకు ఫ్యాషన్ సెన్స్ ఎలా ఉందో చెప్పకనే చెప్పింది. అర్జున్ తో కలిసి మాత్రమే కాకుండా.. విడిగా కూడా ఫోటోలకు పోజులిచ్చింది.

ఇద్దరి కెమిస్ట్రీ చూస్తుంటే త్వరలోనే వారిద్దరూ త్వరలోనే వివాహ బంధానికి వెల్కమ్ చెప్పేలా ఉన్నారని నెటిజన్ల కామెంట్లు వినిపిస్తున్నాయి. ఈ ఫోటో బయటకు రావడం ఆలస్యం.. సోషల్ మీడియా లో వైరల్ గా మారింది. ఇక సినిమాల విషయానికి వస్తే మలైకా చేతిలో ఎలాంటి సినిమాలు లేవు. అర్జున్ కపూర్ 'సందీప్ ఔర్ పింకీ ఫరార్'.. 'చలే చలో' అనే సినిమాల్లో నటిస్తున్నాడు.