ఆవిడ‌తో దొరికిపోయిన హీరో!!

30 వ‌య‌సు కుర్ర‌హీరో.. 45 ప్ల‌స్ సీనియ‌ర్ హీరోయిన్‌తో ఎఫైర్! అంటూ అప్ప‌ట్లో బాలీవుడ్ మీడియా బోలెడంత ర‌చ్చ చేసింది. స‌ద‌రు కుర్ర‌హీరో రెడ్ హ్యాండెడ్‌ గా దొరికిపోయాడంటూ ఒక‌టే ఊద‌ర‌గొట్టుడు క‌థ‌నాలు వెలువ‌డ్డాయి. దీనిపై ప్ర‌తిసారీ మీడియాలో ప్ర‌శ్న‌ల్ని ఆ ఇద్ద‌రూ ఎదుర్కొన్నారు. సామాజిక మాధ్య‌మాల్లో అభిమానుల్లోనూ అతి పెద్ద డిబేట్ న‌డిచింది. వేడెక్కించే క‌థ‌నాలు వెబ్‌ ని అల్లేశాయి. అయితే ``ఎవ‌రి దారి వారిదే.. మ‌న దారి మ‌న‌దే`` అన్న‌ట్టుగా ఆ ఇద్ద‌రూ ప‌లుమార్లు ప‌లు వేదిక‌ల‌పై క‌నిపించి అంద‌రికీ షాకిచ్చారు. రంగుల ప్ర‌పంచంలో తార‌ల‌పై ఇలాంటి వివాదాలు స‌హ‌జ‌మే అన్న తీరుగానే ఆ ఇద్ద‌రూ ప్ర‌వ‌ర్తించ‌డం చ‌ర్చ‌కొచ్చింది.

ఇక‌పోతే ఆ ఎఫైర్ వార్త‌ల న‌డుమ మ‌లైకా అరోరాఖాన్ త‌న భ‌ర్త‌ - స‌ల్మాన్ సోద‌రుడైన ఆర్భాజ్ నుంచి విడిపోయిన సంగ‌తి తెలిసిందే. ఎఫైర్ వ‌ల్ల‌నే అలా జ‌రిగింద‌ని కూడా కామెంట్లు అప్ప‌ట్లో వినిపించాయి. అయితే ఆర్భాజ్ ఖాన్ ఇటీవ‌లే క్రికెట్ బెట్టింగుల్లో దొరికిపోయిన‌ప్పుడు కొన్ని ఆస‌క్తిక‌ర నిజాలు తెలిశాయి. క్రికెట్ బెట్టింగ్‌ - హార్స్ రైడింగ్ బెట్టింగ్ వంటి చీక‌టి వ్య‌వ‌హారాల్లో త‌ల‌దూర్చొద్ద‌ని మ‌లైకా భ‌ర్త‌తో గొడ‌వ‌ప‌డేద‌న్న నిజాన్ని కూడా ఆర్భాజ్ విచార‌ణ‌లో పోలీసులు వెల్ల‌డించ‌డం అప్ప‌ట్లో సంచ‌ల‌నమైంది.

అది పాత క‌థే అనుకుంటే.. ఇదిగో ఈ కొత్త క‌థ మ‌రింత ర‌క్తి క‌ట్టిస్తోంది. ఇటీవ‌లి కాలంలో మ‌ళ్లీ మ‌లైకా- అర్జున్ క‌పూర్ జోడీ ప‌బ్లిక్ ఫంక్ష‌న్ల‌కు ఒకే కార్‌ లో వెళుతూ క‌నిపించ‌డం చ‌ర్చ‌కొచ్చింది. తాజాగా `న‌మ‌స్తే ఇంగ్లాండ్` ప్ర‌మోష‌న్స్‌ లో బిజీగా ఉన్న అర్జున్ క‌పూర్.. మ‌రోవైపు డిజైన‌ర్ సందీప్ కోస్లా ఇచ్చిన ఓ గ్రాండ్ నైట్ పార్టీకి ఎటెండ‌య్యాడు. అక్క‌డికి యాథృచ్ఛికంగానో, య‌థాలాపంగానో త‌న ఫ్రెండ్ కం ఫ్యాష‌నిస్టా మ‌లైకా అరోరాఖాన్‌ తో కార్‌ లో వ‌చ్చి షాకిచ్చాడు. కార్‌ లో వెన‌క‌ వైపుగా మ‌లైకా కూచుని క‌నిపించింది. దీంతో ఇంకా ఆ ఇద్ద‌రి మ‌ధ్యా స్నేహం అలానే ఉందా? ఇంకా ఎఫైర్ సాగిస్తున్నాడా?.. అంటూ గుస‌గుస‌లు వినిపించాయిట‌. ముఖ్యంగా బాలీవుడ్ మీడియా ఈ ఫోటోల‌పైనే ఎక్కువ ఫోక‌స్ చేసి ప్ర‌చారం సాగిస్తుండ‌డంతో ర‌క‌ర‌కాల సందేహాలకు తావిస్తోంది. అయితే అయిన‌దానికి కానిదానికి ఇలా ప్ర‌చారం సాగించ‌డం క‌రెక్ట్ కాదేమో? అన్న మాటా వినిపిస్తోంది.