ఫోటో స్టోరి: లంగా ర‌వికెలో జిల్ల‌నిపించిన మాళ‌విక‌

స‌మ‌కాలీన క‌థానాయికల్లో ప్ర‌తిభావ‌నిగా నిరూపించుకున్న మాళ‌విక త‌మిళంలో స్టార్ హీరోయిన్ గా వెలిగిపోతున్న సంగ‌తి తెలిసిందే. ర‌జ‌నీకాంత్ సినిమాలో స‌హాయ‌క పాత్ర‌లో న‌టించాక‌.. విజ‌య్ లాంటి స్టార్ హీరో స‌ర‌స‌న రొమాన్స్ చేసిన‌ ఈ బ్యూటీ ప్ర‌స్తుతం ధ‌నుష్ స‌ర‌స‌న భారీ చిత్రంలో న‌టిస్తోంది. ఇటీవ‌లే మాస్ట‌ర్ చిత్రంలో ఈ భామ మెరుపులు తెలుగు ఆడియెన్ లోనూ చ‌ర్చ‌కు వ‌చ్చాయి.

కెరీర్ మ్యాట‌ర్ అలా ఉంచితే ఈ భామ సోష‌ల్ మీడియా యాక్టివిటీస్ కి బోలెడంత ఫాలోయింగ్ ఉంది. నిరంత‌రం ఇన్ స్టా వేదిక‌గా వేడెక్కించే ఫోటోషూట్ల‌ను షేర్ చేస్తూ అభిమానుల్ని అంత‌కంత‌కు పెంచుకుంటోంది. తాజాగా నండూరి ఎంకిలా స‌రికొత్త లుక్ తో క‌నిపించి అభిమానుల కంటికి క‌నుకు ప‌ట్ట‌నివ్వ‌ని ట్రీటిచ్చింది.

ముడి వేసిన చిల‌కాకు ప‌చ్చ ర‌వికె.. అదే రంగు ప‌రికిణీ(లంగా)లో ఎంతో ముగ్ధ‌మనోహ‌రంగా త‌న‌ని తాను ఎలివేట్ చేసుకుంది ఈ భామ‌. ప్ర‌ముఖ సినిమాటోగ్రాఫ‌ర్ మోహ‌న‌న్ కుమార్తె క‌ళాత్మ‌క ఫోటోషూట్ కి కుర్ర‌కారు క్లీన్ బౌల్డ్ అయిపోవ‌డం ఖాయం. ప్ర‌స్తుతం ఈ ఫోటోలు అంత‌ర్జాలంలో వైర‌ల్ గా మారాయి.త‌దుప‌రి టాలీవుడ్ స్టార్ హీరోల స‌ర‌స‌న న‌టించాల‌న్న‌ది ఈ భామ డ్రీమ్. కానీ అందుకు టైమ్ రావాల్సి ఉంది. దేవ‌రకొండ స‌ర‌స‌న ఓ చిత్రంలో న‌టించాల్సి ఉండ‌గా అది మ‌ధ్య‌లోనే ఆగిపోవ‌డంతో మాళ‌విక టాలీవుడ్ ఎంట్రీ కి బ్రేక్ ప‌డింది.